طلبات الحريم با الحروف الهجائية

[معلومات العضو الزين]

الشرافــــــــــــــــــــــــــــــــــــــــــــ ـــــــــــي


الالف: اذكروا الاشياء الطيبه لو مره بحياتكم

الباء : بيدك انت تسوي وتسمع اللي يعجبك وتترك الباقي (( طاف))

التاء: تتذمرون دائما وما تبون احد يذكر سيئاتكم مره في حياته

الثاء : ثواني تقدر توديها لاهلها اذا مو عاجبتك

الجيم : جيب ربعك واصدقائك الديوانيه يوميا وسهر للصبح .......ولا تنطقين بكلمه وحده(( اعصب واتنرفز تري))

الخاء : خل يوم بالاسبوع مخصص لهم ترفيهي .....حسسهم بوجود الاب مو كثير عليهم

الحاء: حارمها هي وعيالها من ابسط الحقوق وتقول مو مقصر بشيء

الدال:الديوانيه الدوام البيت للاكل والنوم فقط (( فندق))

الذال: ذاك اول اطلعكم وامشيكم خلاص كافي...........ما زهقتو طلعات (( اسال نفسك))

الراء: روح فكر بينك وبين نفسك اكيد بتطلع مقصـــــــــــــر

الزاء: زيد اهتمامك فيهم وبتحصل نتيجه طيبه

السين: سفرهم لمكه ابرك من ماليزيا ولبنان ولك اجر طبعا

الشين: ياشين اللي يتشكي دائما وهو مقصر

الصاد : صارحها باللي في خاطرك ولا تنافقها

الضاء : ضروري تترك عيالك وقت الامتحانات لسبب تافه

الطاء : طالع نفسك بالمراية وحاسبها ......بتلقي غلطات كثيره مسوويها وانت ما تدري

الظاء: الظاهر حلال عليكم كل شيء وحرام عليهم ابسط شيء

العين: عيني عليكم بارده ....تبون كل شيء جاهز لكم بدون تعب او مشاركه او حتي الله يعطيك العافيه

الغين: الغالي يرخص لعيالي وامهم .................من لك غيرهم والاكله كلام بدون فعل

الفاء: فكر شوي بمسؤلياتك وبيتك وعيالك بطريقة جديه

القاف: قف ولاحظ مميزاتها وحسناتها بتلقي شيء يكفر سيئاتها وزلاتها

الكاف: كفايه حرام عليكم كل الخطأ والغلط عليها وانتو معصومين

الام: لمتي بتتذمرون وتشكون منها ..........لين تموت والاليوم القيامه

الميم : متي بتطلعهم بدون ما يطلبون منك

النون: نروح ونرد علي نفس الموضوع .....ما عندكم غيره

الهاء: ها بنشوف تقدم بمعاملتكم واسلوبكم مع اهلكم ... او مكانك سر

الواو: ودي اشوف موضوع مدح وثناء ولو مره

الياء: يالله انك تهديهم لما فيه خير لهم وطاعه لك

الزين