حنا سكنا السد في ماض الازمان

[معلومات العضو سلطان بن دخيل الله]

الاخوه المسؤلين بالمنتدى
مساكم الله بالخير
اعتذار للمسؤلين والزوار لهذا المنتدى وبالاخص المتابعين لقصائده رحمه الله
هذه القصيده سبق وان نزلتها
ولاكنها للاسف كانت ناقصه لذا ارجو اذا اطلع على هذا الرد احد من المسؤلين
بالمنتدى نقل هذه المكتمله بدل الاولى على ان تكون نفس الخلفيه وحجم الخط 6
وتقبلوا مني جزيل الشكر.

انشد عن العراف حيث انـك غلطـان=تنبيـك عـن مايجهلنـك خـبـاره
حنا سكنا السد في ماضـي الازمـان=يوم اليمـن كـلا حكـى بازدهـاره
من سد مارب جيت مافيـه جحـدان=جينـا ومـن نجـدا خذينـا خيـاره
خذنـاه لاهــدوا ولا ورث جــدان=بالسيف واللـي مايخوجـل عيـاره
خذناه في شلفـا عطيبـات الاكـوان=وثميديـا كـن النجـوم انفـجـاره
خذناه في قوما لها النصـر عنـوان=وكسب الفخر لبسـه وزايـد شعـاره
خذنـاه فـي جيشاوخيـلا وفرسـان=باليـوم والليلـه يشنـون غــاره
غاراتهم يشبع بها الذيـب سرحـان=من ظرب من بالهوش ترخص عماره
وتشري الفخر والمجد في غال الاثمان=بارواحهم لو هـي عليهـم خسـاره
واليوم حـد الخـرج لادون نجـران=دار لنـا وديـار بـدوا وحـظـاره
دار لنا مـن وقـت عـادا وعدنـان=والجار يهمـل بـه ويوخـذ بثـاره
دار لنـا نعتـز بـه بيـن الاوطـان=يومـا كـلا يفتخـر فـي ديــاره
مزارعـا وبيـوت بـدوا وقطـعـان=وهدب الجريد اللـي تعـدل انهـاره
منها الثمر يجنـى البائـس جيعـان=وللجـار والخطـار تجنـى ثـمـاره
ماحط له من يمـة الخـوف جـدران=راس القنا والسيف الاملـح جـداره
حامينها بالسيـف خطـلان الايمـان=كم طامعـا منهـا قصرنـا هجـاره
وقطعانا ترعى الحيـا حيـث ماكـان=وماطاب مـن نبتـا رعينـا قفـاره
نرعابها جوسا علـى كـل عـدوان=لاطـار مـن صـم الحوافرغـبـاره
يبرالها قوما علـى الخيـل شجعـان=عـادة كبـارا وارثيـنـه صـغـاره
قوما تنال المجـد فـي كـل ميـدان=وموعـودة مـن ربهـا بانتصـاره
دواسرا في يـوم زوغـات الاذهـان=كالعـارض اللـي راسخـات جـداره
ونجما مراجيما لمـن كـان شيطـان=ويومر على مـن راد ربـي دمـاره
ومن قدم الحسنى نجازيـه باحسـان=وشرا على الا شرار يقـدح شـراره
وصـلاة ربـي عـد ماكاينـا كـان=واعـداد مـا ليلـه يسوقـه نهـاره
على النبي من خلقـة ادم الـى الان=اللى لديـن الحـق جـاب البشـاره
راع الشفاعه عنـد ربـه للانسـان=يومـا لاتنـفـع يميـنـا يـسـاره
وختامها صلوا علـى نسـل عدنـان=عدة حجيـج البيـت واللـي زيـاره