عز الرياض وعز وادي حنيفه (قصائد لمجموعه من شعار الدواسر في مسابقه الامير السامر

[معلومات العضو عبدالله الدوسري]

صح لسانك و كل الشعراء المشاركين في هذه المفخرة في الأمير سلمان


و هذه

قصيدة صالح بن محمد الصليبي الحقباني


أحد الفائزين في المجموعة

عز الرياض و عز وادي حنيفه=و عز الأمارة و الأمور العظايم
عدل الحكم سلمان بالعزّ ريفه=خمسين عام كل أبوها غنايم
تبصر بعدله عين حرٍّ كفيفه=المجد له و الطيب و العز دايم
وريث تاريخ الملوك العنيفه=حرٍّ تسلسل من حرارٍ عدايم
صيده جزيل و لا يصيد الضعيفه=كفّه و مخلابه عن الهزل شايم
لا مدّ للممحل بيمنىً مريفه=عقب المحَل تصبح حياته وسايم
و ان جات عسرات الظروف المخيفه=نور البصيره منه يجلى الظلايم
حلاّل صعبات الأمور الكليفه=لا صار في بعض المواقف كتايم
يا حظّ من هو في اللوازم حليفه=يبشر بعزٍّ ما يجيء له هضايم
كلّ الثقال تصير عنده خفيفه=يقطع بها للهون سود الخرايم
ميزان حقّ و للعداله خليفه=عليه من عدل الصحابه وسايم
القلب صافي و النوايا نظيفه=و من منهج معزّي نهل له عزايم
الدين له منهاج و الشرع سيفه=درع الرياض إن صار للروح سايم
هو ظلّها عن مسّ لاهوب صيفه=و لحافها عن جور برد النعايم
و ان كان هو عزّ الرياض و شريفه=ما للعظايم غير روس العظايم