لـــغـــز جــديـــد ... وين الحلاله ..

[معلومات العضو ناصر آل جزاء]

أحمد شوعي , المسعري .. حياكم الله ...

أول شي أحب أشكركم على مروركم وتعليقكم ..

ثاني شي أنا أعتقد أن ماعلي ملامه ... لأني اللغز مهوب أنا اللي كاتبه ..

وبعدين صاحب اللغز يقول ان حلّه الشيب ..

وبعدين انتوا تفسرون أبيات الشاعر على غير علم بما يقصده الشاعر .. والمعنى في بطن الشاعر ..

فيه نقاط أحب أنا أوضحها .. وأتوقع ان الشاعر يقصدها في لغزه ...

لعلّه يقصد في قوله (( حيّ ثمين وتكره الناس شوفه ))

(( حيّ ثمين )) أي أن الشايب عندما يصل إلى هذا السن يزداد تقديره واحترامه بكونه كبير في السن ..

(( تكره الناس شوفه )) أي أن الشايب اذا شاف الشيب يبدأ يحس أنه كبر في السن وودع سن الشباب ويتمنى لويرجع به الزمن ..

وهنا يقول (( حي مع الحيين وإن ضاع يبكون ))...

(( وإن ضاع يبكون )) ... لعلّه يقصد أنه إذا مات هذا الشايب يبكون عليه أهله .. لأنه في الشطر الكامل يقول (( حي مع الحيين وإن ضاع يبكون)) .... لاحظ هذه الجمله (( حيّ مع الحيين )) أي أنه حيّ ومابعد مات .. ويقصد بالحي الشايب والشيب .. لأنه اذا مات الإنسان ماتت جميع أعضائه .. .. (( وإن ضاع يبكون )) أي إذا مات ..


طبعاً هذا رأيي الشخصي .. وليس رأي الشاعر .. وربما يكون كلامك صحيح .. لأني أنا مانيب اللي كتبت اللغز عشان أقدر أوضح لك وش أقصد ...

على العموم مشكور يا أحمد على مرورك وتفاعلك مع الموضوع ...


تقبل فائق إحترامي وتقديري .. أخوكـ / ناصر آل جزاء الغييثات ...