تكفون يابني عمي ابي فزعتكم

[معلومات العضو الحمودي]

~*¤ô§ô¤*~*¤ô§ô¤*~ السلام عليكم ورحمة الله وبركاته
يابني عمي فيه موضوع ادور عنه صار حوالي الشهر ولا حصلته وتكفون الي عنده معلومات عنها يعطيناها....
الي هي قصة ال بريك مع ال شامر العجمان في وادي برك وكسرتهم لشوكة ال شامر وشي ابي القصه وقصيدتها
تكــــــفــــون
والسلام عليكم ورحمة اللله
الحمودي..............~*¤ô§ô¤*~*¤ô§ô¤*~

 

 

 

 

[معلومات العضو الحمودي]

افا اشوفكم مارديتو علي

بس مهب مشكله انا انخى النشامى وهم الي بيجيبون السالفه انشا الله

 

 

 

 

[معلومات العضو عبدالرحمن الشرافي]

اخوي الحمودي


اررررررررررررررررررررررررررحب


والله ماعندي درايه عن الموضوع


بس ابشر ببحث وبجيب لك العلم



تحياتي

 

 

 

 

[معلومات العضو ساموراي]

السلام عليكم ...............
اخوي الحمودي انت قاري ذا السالفه في منتدى ( مجالس ؟؟؟؟؟؟؟؟ ) وانا قريتها ورديت عليها بس احذفوا ردودي لانها ماعجبتهم وانا بعطيك العلم
ان البرك تحت امر آل بريك وبغوه العجمان بس ما حصل لهم وراحوا اشتكوا لولي عهد المملكه ( لامير سلطان ) وجا الامير سلطان يتوسط لهم وعطى الدواسر الاراضي بالخرج مقابل انهم يتخلون عن البرك ...
يالحمودي ان كانك بترد عليهم لاتعب حالك لانهم بحذفونه ونصيحه : خلهم لاتجاريهم ( ومايسوي سواتهم إلا اللي شاك بعمره )

واتمنى ان وفيت ( واحب اشكر شخص اذا تعرفه بلغه سلامي وهو : نايف الخييلي
والله انه فيه حميّه مب بحد )

 

 

 

 

[معلومات العضو عبدالله أبن مصلح]

ساموراى بيض الله وجهك

 

 

 

 

[معلومات العضو نمر بن الأشيب]

السلام عليكم ورحمة الله

حياك الله أخوي الحمودي

آل بريك الدواسر أخذوا برك من آل شامر العجمان
بعد معارك بينهم وكان قائد آل بريك في ذلك الوقت
الزقروط البريكي الدوسري ...
وقد ذكر لي أحد كبار السن من شيوخ آل بريك في الخرج
أن الزقروط أغار على آل شامر ثلاثين صباح
حتى تمكن من إجلائهم عنها والقصائد كثيرة
وسأحاول الحصول عليها متى ما تيسر ذلك ..

وقد قال أحد رجال آل شامر قصيدة في تلك الأحداث
ومنها بيتين من الشعر لا يحضرني الآن الا هما

ياشيب عيني من الزقروط=يوم التغفنا مع القارة
يوم الشوامر غدوا يبود=ما قمنو تالي الغارة

وأمير برك في الوقت الحاضر هو الأمير بداح الزقروط ..

وآل شامر العجمان معروفين ومعدودة أفعالهم ونعم اللابة
وهذا لا ينقص من قدرهم وهم أخوان وعواني ..
ولا يوجد حرج في كتابة مثل هذه المواضيع التاريخية
وهذه كانت حياة القبائل قديما يوم لك ويوم عليك

 

 

 

 

[معلومات العضو الخيلاء الدواسر]

كفوووووووووو والله بآل بريك ياجعلهم المعزة

ومن غير قصور آل شامر العجمان

 

 

 

 

[معلومات العضو الحمودي]

مشكورين اخواني على مروركم ومشكارتكم وافادتي ببعض المعلوماتوهي اعرفها من اول بس كان قصدي ابي القصايد فيها ومثل ماقلت اخوي ساموراي الردود رديت انا بس هم حذفوها لانها ماعجبتهم لكن مهب هم الي بينقصون قدر ال بريك ولا الدواسر عامه


والله لايهينكم لونها جت متاخره وشكرا
اخوكم الحمودي