لو كانت الحاجه تعرف المواجيب *** ما خلت الطيب وراها يعاني

[معلومات العضو صالح الجعيدي]

السلام عليكم ورحمة الله وبركاته ،،، قصيدة للشاعر/ زعل الرشيدي

اصيب في ظني بالايام واخيب=واشبه معاني واختلف في معاني
واقف على حد الرجا والمكاتيب=وامشي ورى قلبي وانا في مكاني
من يوم ماغيب شبابي ترى الشيب=وانا أتخيل دمعته لابكاني
ومن ضيقة الخاطر وقل الاصاحيب=بان التعب حتى بنظرة زماني
لو كانت الحاجه تعرف المواجيب= ما خلت الطيب وراها يعاني
ومن كان بالدنيا قليل التجاريب=يشوف هزلات الليالي سماني
بعض القصيد احيان نقص وعذاريب=ماله حضور ولا شعور ومواني
وبعض القصيد اليا حضر له معازيب=وان غاب اقصى غيبته بالمحاني
مثل المسافه والظما والمشاريب=نقرب وتبعدنا حدود الاماني
صراحة الطيب وشرهة هل الطيب=عندي معزتهن معزة اخواني
وياللي على الفرقا كثير المطاليب=ليتك قبل لا تروح تصبر ثواني
البعد بعد القلب لاشك لاريب=الحب الاول مايعوضه ثاني
وفرقا المعاند ماوراها مكاسيب=كلمه وقايلها بعظمة لساني
يجوز يقوي قلبك البعد ويغيب=لكن يبي يبطي وهو ما نساني

وسلامتكم ،، مع خالص التحية و الاحترام ،،

 

 

 

 

[معلومات العضو نايف الخييلي]

صــالح الجعيــدي


كعادتــك مااتقــدم الا المواضيــع المميــزه والرائعه

لاهنت على القصيده الجزله وصــح لسانك ولسان الشاعــر


وياليــتك ذكــرت اســم الشاعـــر


ولــكــ ســلامــي الخــاصــ

 

 

 

 

[معلومات العضو أبونواف الدوسري]

الأخ صالح الجعيده تسلم علي هذه القصيده الجميله ..وصح لسان الشاعر زعل الرشيدي.

تقبل تقديري وأحترامي لكم جميعا.

أخوك أبو نواف الدوسري.

 

 

 

 

[معلومات العضو أبونواف الدوسري]

أسف تصحيح (الأخ صالح الجعيدي)

 

 

 

 

[معلومات العضو صالح الجعيدي]

المشاركة الأصلية كتبت بواسطة نايف الخييلي

صــالح الجعيــدي


كعادتــك مااتقــدم الا المواضيــع المميــزه والرائعه

لاهنت على القصيده الجزله وصــح لسانك ولسان الشاعــر


وياليــتك ذكــرت اســم الشاعـــر


ولــكــ ســلامــي الخــاصــ

يا مرحبا بك أخوي نايف الخييلي ،، ولا انت يالغالي ،،
صح ابدانك ،، وأسم الشاعر مذكور وهو/ زعل الرشيدي
مرورك يالسنافي شرف ،، مع خالص التحية و الاحترام.

 

 

 

 

[معلومات العضو صالح الجعيدي]

الأخ الغالي/ أبو نواف الدوسري ،، مرحبا و مسهلا ،،
مرورك تشريف وفخر ،، مع خالص التحية والاحترام.