(((( ديوانيـــــــــــــــــــة قبيلة الدواسر )))))

[معلومات العضو ابومبارك الدوسري]

هذي قصيدة خلف بن هذال العتيبي

ـ





على الراعي سلام من الرعيه سنـة الرحمـن
من السنه سـلام وللرعيـه عـاش راعيهـا
رعاه الله امـام المسلميـن وللوطـن عنـوان
ورمز ونور نجد وعز حاضرهـا وماضيهـا
حضرنا للتراث اللي يمثل ماضـي العربـان
ولا يبقـى للامـه قيـمـه دون ماضيـهـا
صحيح ومن قرا التاريخ يلقابه عرب واوطان
قـرون حافلـه مايمكـن التاريـخ يخفيـهـا
هلا ومية هلا بضيوف حلوا في محل اخـوان
تراحيب المضيـف وبالضيـوف الله يحييهـا
ملك وجنادريـه والامـان بديـرة الايمـان
بـلاد السلـم والاسـلام والمعبـود حاميهـا
بلاد تطعـم الجايـع بـلاد تكسـي العريـان
بلاد آمنـه مـا روعـت والامـن كاسيهـا
وفيها قبلة المسلم وفيهـا مـن ولـد عدنـان
نبـي قـام وادى رسالتـه باسمـى معانيهـا
دعا الامه على المنبر سنيـن وعلـم القـرآن
لبر الوالدين اوصـى وبالارحـام موصيهـا