رسايل الجوال / وصورّه / وعطره

[معلومات العضو ولد زايد وسيع البنايد]

..

وا كبدي اللـي لتـس ايـااام منفطـره = وا عيني اللـي دمـوع البعـد تذيهـا
اجر صوتي حزيـن وحالتـي خطـره = ( والنار ماتحرق الا رجـل واطيهـا )
ياللي غرامك مـع الخفـاق بالفطـره = وشلون ترخـص علاقتنـا وتنهيهـا ؟
كن الخلايا وسط ذا الـراس منشطـره = مابـه خليـه تـرد العلـم وادعيـهـا
ماعـاد تطربنـي النسمـات والمطـره = ماغير اهوجس على الورقا واللاعيهـا
امن اولن أحتزم للصعب .. وآخطـره = واليوم خارت عزومي كيف اقويهـا !
ماكني اللي يعوم البحـر مـن بطـره = وارتب ابيوتي علـى شانـك واغنيهـا
ويبدع بك القاف من شطره إلى شطره = مافيه خصله بزينـك مـا حكـا فيهـا
صح أول الغيث قطره وآخـره قطـره = لكن سحبـك جفـت قفـري وواديهـا
تصطرني الدنيا على وجهي كذا صطره = واهز راسي غَصب وادنـق وامشيهـا
وأقول يا قلبٍ طريته أذكـره واطـره = خل العرب تـدري وتكثـر حكاويهـا
رسايل الجوال / وصـورّه / وعطـره = هاذي وفت لي بس , من عند راعيها !!

الله .. الله

يا سلام عليك يا ابوعبدالله

صح ح ح لسانك مدد

و بيض الله وجهك على هذه الرائعه

ولا تبطي علينا و انا اخوك

ونـ نتظر إبداعك القادم بشووووق