بدينا بذكر اللي خلـق جنـة الفـردوس

[معلومات العضو فالح الشكره]

قصيدة وصلتني عبر الايميل والعهده على الايميل

بدينا بذكر اللي خلـق جنـة الفـردوس = خلقهـا وبيـن فـي كتابـه مراتبـهـا
قريب مجيـب يعلـم السـر والهاجـوس=ومن حكمته سيـر الفلـك مـع كواكبهـا
الله خلق كل البشـر رئيـس ومريـوس = خلقهـا وفـي يـوم القيامـة يحاسبهـا
سلامي على أهل الدين كسابة النامـوس =سلامـي عليهـم عـد ذاري هبايبـهـا
على منهج التوحيد نأخـذ عبـر ودروس = دعـاة العقيـدة ما تقصر بواجبـهـا
سلامي على اللي لحيته مايجيها المـوس = ولاشجـع الكـورة وصفـق للاعبـهـا
على سنة المعصـوم ماطوَّ ل الملبـوس = عفيـف جنابـه والمعاصـي مجنبـهـا
يقرأ الكتاب ولايدانـي أهـل المنكـوس = كمل بالصفـات الطيبـة مـن جوانبهـا
فعله رفع رأسـه مـع رأفعيـن الـروس = تقدم على كسـب المعالـي وفـاز بهـا
ترى راعي الطاعات عاداتـه النامـوس = علـى طاعـة المعبـود نفسـه مدربهـا
أنا أشوف بعض الناس في سيرته دنفوس = حريمه مع السـواق دايـم يـدوج بهـا
يشري لها الموتر وسواقهـا الهنـدوس = ولا ينشـده لاراح متـى يـعـود بـهـا
وفـي منزلـه خدامـة تعبـد الجامـوس = تربي وراعينـه علـى خبـث مذهبهـا
وفي البيت تلفاز عليه الجميـع جلـوس = على شاشتـه كـل المعاصـي يجيكبهـا
والنوع الآخر في المكاسب ضعاف نفوس = مشوا فـي الربـاء ماحسبـوا مصايبهـا
شباب على درب الردى يدفعـون فلـوس = شرى غرشة الويسكي علشـان يشربهـا
ولابغى يسهـر كـل الحبـة أم القـوس = أحبـوب خطيـرة والمراجـل تخربـهـا
عيال الحمايل جوا عقب الحبوب تيـوس = وكم واحدا باع الشـرف مـن سبايبهـا
خذ العز من رأسه برجله يدوسـه دوس = جميـع المصائـب مايحسـب عواقبهـا
علامة شربه للزقايـر سـواد ضـروس = علـى فرتـه حـط النجاسـة وجاكبهـا
وصلاة ربـي عـد ماذعـذع النسنـوس = على المصطفى المختار عابـر سحايبهـا
=الشاعر / مهنا بن سعد العصيمي

 

 

 

 

[معلومات العضو رعاد]

صح لسانك اخوي ولسان الشاعر مهنا

والله يعطيك العافية

 

 

 

 

[معلومات العضو ابوعبدالرحمن الودعاني]

	صح لسانك لكن القصيده ماهي للعصيمي بل هي لواحد من الرجبان في هيئة الأمر بالبمعروف والنهي عن المنكر وبوادي الدواسر بعد..قال أول الأبيات وكملوها أخوياه المطاوعه إلي معه وهذا الكلام أنا سمعته من أحد أمراء الرجبان من أهل الوادي وإلي قالمطوع إلي قال ذي القصيده ولد عمه خليصه!! هذا أحببت أن أذكره للحقيقة

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

العزيز الغالي فالح الشكره

لاهنت على النقل الرائع والجميل

والقصيدة بحق قصيدة طيبة وفيها من التذكير والموعظه مايجملها

بغض النظر عن شاعرها سواءٍ الذي ذكرته

وهو الشاعر / مهنـا بـن سعـد العصيمـي

أو الذي ذكره أخونا أبو عبدالرحمن وهو الرجباني

تقبل ودي وتقديري

محب الجميع

 

 

 

 

[معلومات العضو فالح الشكره]

هلا بالغالين

رعاد
ابوعبدالرحمن الودعاني ( وشكرا على مااوردته من ان شاعر القصيدة هو الرجباني وليس العصيمي)
دغش البطي

وصح بدنكم واشكر مروركم الكريم

 

 

 

 

[معلومات العضو يحيى الودعاني]

تسلم يمناك

وصح لسان الشاعر

 

 

 

 

[معلومات العضو فالح الشكره]

ومن قال سالم يا يحيى الودعاني وشرفني مرورك الكريم على الموضوع

 

 

 

 

[معلومات العضو بدران البدراني]

الاخ العزيز الغالي فالح الشكره

لاهنت على النقل الرائع والجميل

والقصيدةالجزلة طيبة وفيها من التذكير والموعظه مايحتاجه الانسان


والحمد الله على عودتك للمنتدى

تقبل أطيب تحية

 

 

 

 

[معلومات العضو فالح الشكره]

المشاركة الأصلية كتبت بواسطة بدران البدراني

الاخ العزيز الغالي فالح الشكره
لاهنت على النقل الرائع والجميل
والقصيدةالجزلة طيبة وفيها من التذكير والموعظه مايحتاجه الانسان
والحمد الله على عودتك للمنتدى
تقبل أطيب تحية

هلا وغلا فيك يابدران ولاتهون يالغالي وشكرا لك على دعواتك الطيبه وانا سعيد بعودتي لاخواني وابناء عمى عبر هذا المنتدى

 

 

 

 

[معلومات العضو عبدالرحمن الشرافي]

اخوي فالح



الله لا يهينك على كل حال


وجزاك الله خير على ذكر هذه القصيدة


وتاكيد لكلام الاخ ابو عبدالرحمن


فانا اعرف شاعر يقاله سعود بن شعيفان المسعري

وله مجاره لهذه القصيدة وقد سمعتها منه انا شخصيا


وسأنزلها عما قريب

 

 

 

 

[معلومات العضو فالح الشكره]

يمرحبا فيك ياعبد الرحمن وشكرلك مرورك على الموضوع وانا في انتظارك لانزال القصيدة