قصيدة الشاعر : سعد بن سالم الردعان الدوسري

[معلومات العضو منصور الردعان]

بسم الله الرحمن الرحيم
هذه القصيده وجهها الشاعر سعد الردعان الى الشاعر سالم بن عبدالله سحمي القربي
و أرجوا ان تنال رضاكم واستحسانكم وشكرا.
الله من جفن حلى النوم يجفاه* بينه وبين النوم حرب وعزاوي
والله من قلب همومه تولاه * كنه يعرض من لهيب المكاوي
لامن بغى يسلى ويدله بدنياه* لواه من بين المعاليق لاوي
هم يصدربه وهم تقفاه * وهم يقطع به صخيف العراوي
مليت من رفقة كثير المهاذاه * راعي النمايم والحسد والهزاوي
ومليت من رفقة كثير المصافاه* اللي على قول الحقيقه سحاوي
ومليت من رفقة صعيب المناجاه* اللي على ماقيل سيله نحاوي
لاصار مايدمح خمالي ويرفاه * ويغض طرفه عن صغير الهفاوي
خله لعله هفة مقيط ورشاه * يومه وقع من نايف الضلع هاوي
حقه على ماقيل سفهه وفرقاه * رفقه قليل الخاتمه ماتساوي
لو كان يملك مال قارون بيداه * الرازق الرب الكريم السماوي
وقت القسا ربي بالاحسان يجزان * عرفت به ربعي وبان العداوي
كم واحد وقت الرخا يكثر هذاه * يطلع على العليا بكثر الحكاوي
و هو على الطالات ماتجسر خطاه* وقت القسا تبين منه الدهاوي
من شبته ما مدت الطيب يمناه * ودايم على نار المعازيب ضاوي
يعد نفسه باشة الترك و الشاه * لو لبسة الدسمال فوقه سفاوي
هذاك انا لا احب قربه ولاماه * ولا ابيه من نظرت عيوني دناوي
وكم واحد وقت القسا لا بغيناه * يبين طلعه مثل طلع النداوي
لا ضاق بالي من همومه وحزناه * طرى على بالي بعيد الهقاوي
اللي على الطالات شايبه ظراه * اللي على جزل النواميس حاوي
من لابت لاجا نهار المثاراه * ستر الضعيب ومزبنن للجلاوي
سالم سليل العز والمجد و الجاه * رجل على فعل الجميلات قاوي
لا ضاعت الرفقه مع ذا ومع ذاه * ما ضيع الرفقه عسير الحراوي

 

 

 

 

[معلومات العضو عبدالرحمن الشرافي]

اخوي منصور


اولا: اررررررررررررحب

ترحيب المطر بين بني عمك


واربك ماتقطعنا وانااخوك

ثانيا: لاهنت على ايراد هذه القصيدة وصح اللسان شاعرهاااا


وننتظر مواضيعك القيمة

 

 

 

 

[معلومات العضو ابوعبدالرحمن الودعاني]

&#91align=center&#93 &#91size=5&#93&#91frame=&quot1 80&quot&#93 &#91align=center&#93&#91color=#CC3300&#93&#91size=5&#93&#91ft=Arial&#93 أخي وإبن عمي الحبيب الغالي صح لسانك ولسان الشاعر وقصيده جزله وطيبه وأنت ما يجي منك إلا الطيب والزين جعلنا ما نخلا منك &#91/color&#93&#91/align&#93 &#91/frame&#93&#91/size&#93 &#91/align&#93

[/size][/font]