قصيدة بليغة تطفئ نار الغضب بين قبيلتين من الدواسر

[معلومات العضو العياضي]

صحت أبدانكم جميعا ً
وبالنسبة للقصيدة غالين والطلب رخيص، والقصيدة هي :

يا ناصـر المنعـور حنـا نصينـاك=لـب ألطلبنـا يـا عزيـز القبيلـة
لأجلك عنينا يا السنافـي وجينـاك=نطلبك بجاه اللـي ينجـي دخيلـه
الأولة يا القرم مقصودنـا رضـاك=والثانيـة يالقـرم نـزع الفتيـلـة
والثالثة يـا القـرم حنـا طلبنـاك=من بينكم لا تجي القصيـرة طويلـة
يا ناصر المنعـور ننخـاك ننخـاك=يومك من اللي يكسبـون الجميلـة
ننخاك يا اللي تكسب الطيب يمناك=يا كاسب النوماس راعـي النفيلـة
لوما الأمل بك طيب مـا نخينـاك=ننخاك ياراعـي العلـوم الجزيلـة
والطيب في راسك وساسك ومجناك=مـن لابـة عنـد الملاقـى ثقيلـة
حرّابهم يارد على حـوض الادراك=واللي وقف في نحورهم عزتـي لـه
لآد الحريجي سيفك اللـي بيمنـاك=يروون حـد المرهفـات الصقيلـة
لآد الحريجي نـدّرٍ مثـل شـرواك=والله ما ترضـى عليـك بْفشيلـة
علي ولد منديـل عدوانـه عْـداك=و يضد من ضدك على أيّـا وسيلـة
ربعك هم عضودك إلى جات من ذاك=هم درعك اللي فوق متنك تشيلـه
وانتم هل العليا ولاهـوب يخفـاك=وعلومكـم بيـن الرفاقـة دليلـه
يا ناصـر المنعـور حنـا نصينـاك=لـب ألطلبنـا يـا عزيـز القبيلـة
لأجلك عنينا يا السنافـي وجينـاك=نطلبك بجاه اللـي ينجـي دخيلـه

والمعذرة على التأخير