حكمتني مثل حكم الغرب في كربلا

[معلومات العضو شوق2]

حيا الله ارسالتك يازين واهلآً هلا=وتسلم يدٍ سجلتها وارسلتها وجات
اشكرك لطفك بحال العاشق المبتلا=واشكرك حسن اختيارك نادرالمفردات
هذا كلام الوداد العذب ولا فلا=يحتاج بين الحبايب عشق ومراسلات
لاتحسب ان صاحبك يازين منك سلا=لاوالذي نزل الفرقان والعاديات
يازين حبك على وصف اللسان اعتلا=تجاوز المستحيل وصار من المعجزات
لو تبغي اعلن غرامي فيك عند الملا=قلته ولاهمني ماقال راعى الشمات
حكمتني مثل حكم الغرب في كربلا=الإختلاف الوحيد ان ما معك طايرات
غزيتني بالتغنج والدلع والحلا=ونظرة عيون لعشاق البها فاتنات
لاغبت عنك ثلاث ايام جاني بلا=وعيني من الشوق ماتهنا بحلو المبات
اعيش بين العرب والفكر بأرض خلا=يصيب فكري على غيبتك عني شتات
وان جا اتصالك يشاليني ولابه شلا=شلاي في شوفتك ياسيد المترفات
لاشفتك انزاح من القلب العنا وانجلا= ونسيت كل العذاب وقلت مافات مات
لجل انك تساهل العشق النقي والغلا=وتستاهل احلى القصايد واكبر التضحيات
عالي ولا تعشق إلا من يعشق العلا= للاش ما ارخصت نفسك مثل بعض البنات
لك مني الود وعهود الوفى والولا=يانهر دجله عطاك العهد نهر الفرات

	الله عليك يابن مرضي ابداع في ابداع وتميز في تميز حتى ان المتصفح لقصائدك لا يستطيع ان يصل للرد الذي يوفيك حقك قيقف عاجزاً منبهراً 0صح السانك يالودعاني ملاااااااااااااين ×ملاااااااااااااااااااين والله يحفظك ويرعاك0

 

 

 

 

[معلومات العضو وقيان الصخابره]

الشاعر

عبدالله بن مرضي الجماعين

صح ألسانك يالقرم عز الله إنها قصيده من شاعر جزل


ولانتب في حاجة إلى شهادتي لإنك شااااااااااعر


تقبل تحيات اخوك وقيان