النار ما تحرق الا رجل واطيها

[معلومات العضو مبارك بن شافي النتيفات]

لا أخذت في خاطري مـن واحـد ٍ غالـي
ماعـاد ابـي النـاس قاصيهـا ودانيهـا

ماعاد ابي اللي ينشّدنـي عـن احوالـي
العزلـه .. ابـرك مـن الدنيـا ومافيهـا

اجلـس لحالـي وانـادم نفسـي لحالـي
مهـمـوم / وهمـومـي الله لايحييـهـا

اغيب عن مجتمع خلـق الله أشـوا لـي
وادلّـه النفـس .. ليـن الله يسويـهـا

اضحك وانا الصدر .. لادالـه ولا سالـي
مـن ضيقـة ٍ ماتجنّـب عـن حراويهـا

لا اونستها في ضلوعي كنهـا الصالـي !
النـاس مـاعـاد اناديـهـا بأساميـهـا

كنيتها ليـن شفـت الشـرّ فـي حالـي
عجزت لأهرج بهـا وازريـت لا أخفيهـا

ان جيت ابهـرج بهـا شـي ٍ ماينقالـي
وان جيت ابسكت ل( نار ٍ من يصاليها ) !

حتـى تسـاوا مـذاق المـر والحـالـي
حسبـي علـى كلمـة ٍ مانـي بناسيهـا

ياليتـهـا مــن عدويـنـي وعـذالـي
والله ل( تلقى ) الجـواب اللـي يدوايهـا

لكنهـا مـن حشيـم ٍ منـزلـه عـالـي
احترت فيهـا ولا ادري ويـن اوديهـا !

مـردودهـا كــل مامـنّـه تهـيّـالـي
شيّمـت نفسـي عـن اولهـا وتاليـهـا

تمرنـي .. جعـل والله مالـهـا والــي
ماكنـي اوحيتهـا مـن فــمّ راعيـهـا

واصـد مـن دون لا أشـاور ولا أمالـي
بضاعـة ٍ بـيـن بايعـهـا وشاريـهـا

ماني ب( ناقـص ) غرابيـل اول وتالـي
روحـي مـن الوقـت فيهـا مايكفيـهـا

سوالـف ٍ كـل مامـرت علـى بـالـي
سمحـت مـن خيـرة ٍ كنـت متحريهـا

ياحـرّ كـبـدي وياهـمـي وغربـالـي
مصيبـه ان كـان حاميـهـا حراميـهـا

ضايق وضاقت بي فجوج الخـلا الخالـي
( والنار ماتحـرق الا رجـل واطيهـا )

مهمـا يـدور الزمـان ويأمـن الجالـي
مايجرح الـروح غيـر طعـون غاليهـا

 

 

 

 

[معلومات العضو النايفه]

راااااائعة وأكثر
صح لسانك وسلّم الله قلبك من كل سوء
تحياتي

 

 

 

 

[معلومات العضو مبارك بن شافي النتيفات]

الاروع والاجمل مرورك يالنايفة

لاهنتي

 

 

 

 

[معلومات العضو بن الجراح]

رائعه ايها الرائع صح بوحك اتحفتنا بهذه الفريده جذبني عقدها المتماسك وجزالة معانيها المسبوكه

دمت بخير اخوي مبارك بن شافي وبحفظ اللـــــــــــــــــــه

اخوك بن الجراح

 

 

 

 

[معلومات العضو مبارك بن شافي النتيفات]

المشاركة الأصلية كتبت بواسطة بن الجراح

رائعه ايها الرائع صح بوحك اتحفتنا بهذه الفريده جذبني عقدها المتماسك وجزالة معانيها المسبوكه

دمت بخير اخوي مبارك بن شافي وبحفظ اللـــــــــــــــــــه

اخوك بن الجراح

ارحب يابن الجراح

ولاهنت على مرورك الكريم وصح الله بدنك

وللعلم القصيدة منقولة

تحياتي وتقديري