سوق الرجال

[معلومات العضو مسفر ابن عبدالله الدوسري]

يا داخـلٍ سوقـٍ له البعض جافـين
لاجل البضاعه غير والسوم حامي

حن نشتري الاجواد من دون تثمين
ولا نطـفف في نهار او ضـلامي

على النقى خــوة رجالٍ حشيمين
نبع الوفـاء يارد مديه الف ضامي

نوفـي بحـق الله وقـدر المصلين
وناصل بحبل اللي قصى والعمامي

ولا نـرد اللـي لفى لـوه امـدين
اما المقـّفي نتركـه بالتــمامي

تركت خــوة مـن تلبس بوجهين
بمعسول قولـه لا لقيته يحــامي

واذا التفت ابغـي احيـي مهلـين
قــام يتـحدث في قفـاي بكلامي

مايدري اني شـامخٍ مـالي مهين
والنبـل مايقنـص اذا مانت رامي

شريت ربعٍ عـزوتي في الميادين
بارواحهم يفـدون في يـوم دامي

وصلاة ربي عــد ورد البساتين
على النبي الي نهــج كل سامي

مسفر عبدالله الدوسري
(دايم الاشواق)

 

 

 

 

[معلومات العضو خالد المشاويه]

صح الله السان الشاعر / مسفر عبدالله الدوسري

ولاهنت على النقل وسلمت يمناك


جزيل الشكر والتقدير

 

 

 

 

[معلومات العضو مبارك بن شافي النتيفات]

صح لسانك يابوعبدالله واعتلى شانك

تقبل مروري

 

 

 

 

[معلومات العضو فهد المقابله]

صح لسانك يابوعبدالله واعتلى شانك

تحياتي وتقديري

 

 

 

 

[معلومات العضو مسفر ابن عبدالله الدوسري]

شكراً على المرور ولاهنتوا جميعاً. لا خلا ولا عدم.