قصة حزين

[معلومات العضو ابومبخوت الدوسري]

سّر ياقلم... ما على الصبر طاقه=صبري تعدى الحد ما عاد ينطاق
أكتب لمن مثلي قصته وأشتياقه=في خطك الواضح على بيض الأوراق
قصة حزين" صافي المر ذاقه=أنا بذكرى ماصله خاطري ضاق
باقوه الأصحاب والوقت باقه=وصار الضحية بين باير وبواق
يمشي وهو ما حس في كسر ساقه=أمسى على ساقين وأصبح على ساق
هذي سواة الوقت شين أصطفاقه=الوقت لو يصفي لك آيام...دراق
لاشك يامن معك عقل ولباقه=بنصحك كانك للآمثال تشتاق
صادق رجال" يعرفون الصداقه=يقفون صفك يوم يبسات الأرياق
ومن يرغب فراقك ...عجل فراقه=جاز اللذي يجزيك : أفراق بفراق
يقوله اللي جاير الوقت عاقه=ولازال في غيبوبة الهم ما فاق
حظه على أقشر شي للنفس ساقه=بقبور الأحياء ... ينتظر يوم الإطلاق

 

 

 

 

[معلومات العضو دغش محمد الصخابرة]

صادق رجـال" يعرفـون الصداقـه
يقفون صفك يـوم يبسـات الأريـاق
ومن يرغب فراقك ...عجـل فراقـه
جاز اللذي يجزيك : أفـراق بفـراق



صح السااااااانك ,,,,,ولاهنت أبو مبخوت

يعطيك العافيه على الاختيار وطرح القصيدة

 

 

 

 

[معلومات العضو العنووود]

صح لسانك ،،،،وعلي شانك


بيض الله وجهك ،،،،، ابيات قمة الروووووعه

 

 

 

 

[معلومات العضو هواء نجد]

ومن يرغب فراقك ...عجل فراقه=جاز اللذي يجزيك : أفراق بفراق

تسلم اخوي على الاختيار الرائع

 

 

 

 

[معلومات العضو محمد بن سالم الخضراني]

ابو مبخووت ابيض وجه وقصيده طيبه واختيار موفق تحياتي لك

 

 

 

 

[معلومات العضو ابومبخوت الدوسري]

أشكر مروركم الكريـم ولاهنتووو تحيااااتي وتقديري للجميـــــع

 

 

 

 

[معلومات العضو متعب الشكري]

صح السااااااانك ,,,,,ولاهنت أبو مبخوت

يعطيك العافيه على الاختيار وطرح القصيدة

 

 

 

 

[معلومات العضو عبدالله الحافر الغييثي]

صح لسانك يابومبخوت على الاختيار الرائع والله يرحم الشاعر بندر بن سرور دائم متالق في انتقاءك يابومبخوت سلمت ياكحيلان

 

 

 

 

[معلومات العضو ابومبخوت الدوسري]

المشاركة الأصلية كتبت بواسطة خميس مطر الغييثي

صح بدنك يابومطر الله يرحم الشاعر بندر بن سرور ويسكنه فسيح جناتة أشكر مرورك الكريـــم وتعليقك الطيب لاهنت تحيــــاتي وتقديـــــري