أول قصيده لي اتشرف بها بمنتدى الدواسر

[معلومات العضو ســـطام الروقي]

قلبـي مدينـه للعنـاء والغرابـيـل=اسوارهـا هـم وسمـاهـا قــراده
لا لاقـيٍ جنـه ولا مـن محاصيـل=وابغى السعاده بـس مامـن سعـاده
تعبت والحيل انتهـى مابقـى حيـل=والحزن صار بخافقـي لـه سيـاده
رجح شقاء وقتـي علـي بالمكاييـل=واخذت مـن صكـات بقعـا شهـاده
ياسيـد حساسـي لديـك التفاصيـل=وعندك دواء قلبـي وعنـدك مـراده
تدري بأنك بالغلا صـرت لـي نيـل=وسحرك لبسته مثـل لبـس القـلاده
وخليت عيني لو تبـا تمـل ماتميـل=اصبحت عاده ( يلعن ابـوك عـاده )
اشباح طيفك كنهـا جـارف السيـل=لامـر طيفـك رحـت معـه ابـلاده
صاحي ولكن لعبـة الحـط والشيـل=كبرت علـى اللـي ماتهنـى برقـاده
احيان اشـك انـك فـرج للمقابيـل=لادك داكــوك الـظـلام بهـجـاده
وانشد واصيح بعالي الصوت يا ليـل=يا ليـل تكفـى صيـح ويـاي نـاده
يالصاحب اللي ماتخفـاك المواويـل=يا كم سهرت وبشتك اضفـى سـواده
علّي وانـت ادرى بكـل المداخيـل=يا صاحـبٍ حبيـت فيـك الركـاده
والله وربٍ نـزّل الـذكـر تنـزيـل=انـي اشـك انـي عبدتـه عـبـاده
اشبهـه كنـه شـرودٍ مـن الخيـل=وحشيـةٍ ماهـي بحـكـم وقـيـاده
مذيره .. شقراء ذوايب .. على ذيـل=كنـه جدايـل صاحبـات السـعـاده
شمعة زماني .. والفرح .. والقناديل=ملهم قصيدي .. نبض شعري .. مداده
قاتل دموعـي .. والعـزاء للمناديـل=مطفي لهيبي ... والعزاء في رمـاده
شطرنجي اللي ناقصـه قلعـه وفيـل=ومليكهـا مــا فـادهـا بجتـهـاده
يفـداه قلـبٍ شربكـتـه المحابـيـل=عـزيـز قــوم وذل عــزه وداده
ويفداه كل اللي سمـع مـن أقاويـل=ماقل قـدره لا علـى العكـس زاده
يا موناليزا يا أروع عطـور شانيـل=يـا بـرج بيـزا بميلتـه ورتــداده
يا ضرمة الشيبـان للكيـف والهيـل=يا فرحة المسجـون لا جـاء سـداده
يا فلسفة من حرفوا كتـب الأنجيـل=يا طلسمة ساحـر بحسـب إعتقـاده
يا نشوة الوسكي علـى ضفـة النيـل=على شجـن فيـروز .. وإلا ميـاده
سيناريو .. حبكة مسلسل .. وتمثيـل=قصة حياتي وانـت عطنـي الأفـاده
يـا سـدرةٍ مانلـت منهـا مقايـيـل=لي قيضها واصبـح لغيـري بـراده
يفداك كل اللي حصـل مـن بهاذيـل=ويفـداك قلـبٍ مايعـرف السـعـاده

...

وتقبلووووا تحياااتي ...... اخوكم ســـــــطااااااام العتيبي.............

 

 

 

 

[معلومات العضو أبونواف الدوسري]

بارك الله فيك صح لسانك يا سطام...

وفقك الله...

 

 

 

 

[معلومات العضو ســـطام الروقي]

ابو نواف صح بدنك ولاخلا ولاعدم يالنشمي

 

 

 

 

[معلومات العضو شافي القويسي المخاريم]

قسم بالله انك مبدع
صح لساااااانك
ولا تحرمنا من جديدك يا روقي
اعذرني على تنسيق القصيده
تحيااااااااااتي

 

 

 

 

[معلومات العضو ابن شمسان البدراني]

صح لسانك يا ولد روق .. جزلة جزلة من شاااعر جزل



والله يحييك والمتدى نوّر بوجودك .. ولا تحرمنا من جديدك يالغالي ..



لك مني أرق التحايا ،،،

 

 

 

 

[معلومات العضو ســـطام الروقي]

شأأأأأأأأأأأأأأفي ... اقسم بالله انها شهاده على صدري وسام تحميه من النقد ياخالي وعندكم ياخوالي شرف وجودي وارفع الراس ... تسلم يمينك ياخال

 

 

 

 

[معلومات العضو ســـطام الروقي]

ابن شمسااان صح بدنك وتسلم يمينك يالسنافي وشاكر لك على هذا المرور الطيب

 

 

 

 

[معلومات العضو ابو فهد الغييثي]

صح لسانك يا سطام

قصيده رائعه وجزله

لاهنت على الابداع الراقي

تحياااااااااتي

 

 

 

 

[معلومات العضو ســـطام الروقي]

ابو فهد دام عزك ياراس العز تدوم وتحيا

 

 

 

 

[معلومات العضو نواف الرجباني]

سطام صــــــــــح اللسانك

وبيض الله وجهك

تقبل مروري

 

 

 

 

[معلومات العضو ســـطام الروقي]

نواف صحححح بدنك ياس الشموخ