الا ياعيوني ما يفيد النظر والشوف

[معلومات العضو بن مشخص المسعري]

الا ياعيوني ما يفيد النظر والشوف "
" تكافي وكفي لاتراعين ياعيوني
تكافي كفاك إمكايد الجادل الغطروف "
" ابو وجنةٍ فيها شرى الموت مقروني
انا اشوف شوفك واتمنى وانامشفوف "
" من اللي سلب عقلي على غير قانوني
غزالٍ يداني خطوته بين امان وخوف "
" يوطّي قدم رجله على القاع بالهوني
لحظني بعينٍ كن فيها نمش وسيوف "
" وقع ما بكفي واختلف وانصفق لوني
تبي ذبحتي ياريم وادي سكاكا الجوف "
" حسيبي عليك مصرف الخلق والكوني
تعرض غريبٍ نازحٍ يم ابن رفروف "
" ورا دار قاره يقنب الذيب من دوني
الاياعذابي منك ياضامر السرجوف "
" شبكني هواك وبيح الود مكنوني
الايازريف الطول انا اطلبك بالمعروف "
" بعد عونة الله منك انا برجي العوني
دخيلك تلبي دعوةٍ من ثلاث احروف "
" طرف ساعةٍ نفرح بها وانت ممنوني
اريح ضميرٍ بالهوا مولعٍ مكلوف "
" من الله خلقني بالغنادير مفتوني

من قصائد الشاعر:حمد المغيولي (رحمه الله)

 

 

 

 

[معلومات العضو أبو سعود الودعاني]

لاهنت يابن مشخص

ورحم الله شاعرها

تقبل خالص ودي

 

 

 

 

[معلومات العضو أبونواف الدوسري]

لاهنت أخي ابن مشخص المسعي

ورحم الله شاعرها رحمة واسعه

تقبل تقديري وأحترامي