من روائع الامير محمد الاحمد السديري رحمه الله

[معلومات العضو فيصل بن جزاء]

ينام من هـو مايعـرف الهمومـي=وعيني اليا نامو حريب لهـا النـوم
الله يلـوم اللـي لحالـي يلومـي=لاساهر سهري ولا هوب مهمـوم
ماهوب مثلي يزعجه كـل يومـي=هم يلوج بداخـل الصـدر مكتـوم
لامبديـا أسـرار قلبـي لقـومـي=واللي بسر الغيب ماهوب مفهـوم
أخاف أبوح السـر تبـدا الثلومـي=وتاقف على مكنون سري هل اللوم
عاهدت قلبـي مايبـوح العلومـي=ولايويـق بغايتـه كـل مـذمـوم
بالليل أساهر ساريـات النجومـي=والصبح أعدي بالنبا كـل مزمـوم
أوجس بقلبي مثل حـر السمومـي=ولا صفالي خاين الدهر لـو يـوم
يا سيف قم (لعّل) حظـك يقومـي=ولعل أبوك بساعة الحشر مرحـوم
النـار شبـة ياقـوي العـزومـي=وهات الدلال واترك النوم لرخـوم
خابرك يالطيـب ودود ورحومـي=قم سو مايبعد عنّـا كـل شغمـوم
فنجال بن ٍ ما يحضـره رخومـي=مبهرٍ من بيـن الأجـواد مقسـوم
أروحنـا بفـلاك الأيـام تـومـي=ولو يطول العمر فالأجـل محتـوم
روحي بيد فارض صلاتي وصومي=والي بحبل اليسر ينجـي لمضيـوم
الواحد اللـي نطلبـه كـل يومـي=منجي ليوسف عقب ماهوب مظلوم
دنيا الشقا ياسيـف ماهـي تدومـي=كم واحد فيهـا مشيـح ٍ ومنجـوم
وأفرح إلى قالوا تقافـت غيومـي=على شفا الباطن وهو قبل ماسـوم
حيثه (مرابي كل) وضحا ردومـي=الي بها زود على الطوق برشـوم
عسى تعله مرهشـات الوسومـي=يمطر (عليه) الوبل يوم بعـد يـوم
عشبه يغطـي نايفـات الحزومـي=فيه الزهر فوق الزماليق منضـوم
مخالـف النـوار غـادٍ سهومـي=والعشب من وبل المراهيش كيهوم
فيه أم سالم مـن طربهـا تعومـي=تلفح بسمح الريش في كل مرجـوم
ومن الطرب في كل روض تحومي=وتقضي الدنيا زغاريـت وسجـوم
إن شافـت النـوار نبتـه يزومـي=ماسايلت عن حال معطا ومحـروم

 

 

 

 

[معلومات العضو أبونواف الدوسري]

أخي العزيز فيصل بن جزاء

لا هنت علي نقل هذه القصيده

الله يرحم الأمير الراحل محمد الأحمد السديري رحمة واسعه ويسكنه الجنه بأذن الله...

تقبل تقديري وأحترامي

 

 

 

 

[معلومات العضو ابومبارك الدوسري]

اختيار موفق


قصيدة لاتمل .. صح السان الأمير محمد ملاييين ..


والله يعطيك العافيه يابوجزاء على الاختيار

 

 

 

 

[معلومات العضو الشقرديه]

مشكوررررررر اخ فيصل على نقلك المبدع ورحم الله الامير

 

 

 

 

[معلومات العضو فيصل بن جزاء]

ابونواف الدوسري لاهنت على المرور

 

 

 

 

[معلومات العضو فيصل بن جزاء]

ابومبارك الدوسري لاهنت على المرور

 

 

 

 

[معلومات العضو فيصل بن جزاء]

الشقرديه لاهنتي على المرور

 

 

 

 

[معلومات العضو محمد بن حنيحن]

الله يرحمه ويسكنه فسيح جناته

فيصل بن جزاء دمت لنا مشرفاً

 

 

 

 

[معلومات العضو نايف الخييلي]

ابـــو سعد

الله يعافيــكـ على هالقصيده الرائعه للامير محمد السديري وإختيار موفق يدل على ذائقتك الشعريه


و بارك الله فيك

 

 

 

 

[معلومات العضو فيصل بن جزاء]

محمد بن حنيحن لاهنت على مرورك الجميل

 

 

 

 

[معلومات العضو فيصل بن جزاء]

ابوفهاد اسعدني مرورك الجميل

 

 

 

 

[معلومات العضو فتى العمور]

الله لايهينك يالقرم

و

بيض الله وجهك يالغالي

و

لاعدمناك

 

 

 

 

[معلومات العضو مبارك الخييلي]

صح ألسانك وصح ألسان قائلها

ولاهنت وبيض الله وجهك

رحم الله قائلها وغفر له

تقبل الشكر والتقدير

 

 

 

 

[معلومات العضو فيصل بن جزاء]

فتى العمور لاهنت على مرورك الجميل

 

 

 

 

[معلومات العضو فيصل بن جزاء]

مبارك الخييلي لاهنت على مرورك وصح بدنك