الشاعر خفران القحطاني يمتدح الأمير عبدالعزيز بن حزام العجالين

[معلومات العضو حفيد الأمراء]

ياسلام الله سلام(ن) له الهيبه وقار=عد ماهلت مزون(ن)تلج رعودها
من ولد هادي لمشعان ياصل يوم سار=عبر قيفان تخطى جميع جنودها
شاقني للقاف مدح العجالين الكبار=الرجال اللي وفت في جميع وعودها
والله اني من رجال(ن)لهم هيبه وكار=ربعنا قحطان ساس العرب وجدودها
ربعنا اللي فاللقاء قدحهم مثل الشرار=ربعنا اللي في الزمن جودنا من جودها
بس أنا ناوي أبمدح الطويلين العمار=ربعنا من نسل عجلان روس فهودها
((لك ياأبوحزام عبدالعزيز أكبر شعار=لك شعار(ن) في المواقف لاهبت نودها))
بس ياأبن حزام عندك حفيد(ن)له مسار=له مسار(ن)في الرجوله يزود بزودها
عندكم أبومحمد بقوله بإختصار=الشبل مشعان له سمعت(ن) بشهودها
سمعته علياء ونعمين في نسل الحرار=جعل يفدونه دشير(ن) تبيح سدودها
كل ماأذكر خوة الذيب في ذيك الديار=قامت همومي بصدري تزيد قصودها
ياالله اللي تعلم الغيب في سر وجهار=أنك تعز الرجال وتحل قيودها

 

 

 

 

[معلومات العضو المسعري]

لاهنت ياحفيد الامراء

وصح الله الله لسان الشاعر

والعجالين كسابه مدح من على عصر الجهل ولايستغرب المدح فيهم



مع ان لي تحفظ على هذا البيت

كل ماأذكر خوة الذيب في ذيـك الديـار
قامت همومي بصدري تزيـد قصودهـا



لاهنت على النقل وتقبل مرور ي


اخوك

المسعري

 

 

 

 

[معلومات العضو ناصر بن فهد]

:::
::
:
صح لسـآنكً ,, وصح لساان الشاعرُ
ولـآهنت يا القرمُ على النقل

 

 

 

 

[معلومات العضو حفيد الأمراء]

الأخوة الكرام


المسعري


ناصر فهد الدوسري



شاكر لكم



على هذا المرور العطر



والذي عطر المشاركه



والبسها جمالاً ونورا



ونثر عليها ورداً يدوم شذاه دوام الأيام


وماعليكم ياعيال عمي زود


ولاعدمناكم


والسلام