ماعاد نبغى في الرواتب زياده’’’’’’الي نبيه اليوم تخفيض الاسعار

**معلومات** **العضو** · 26-09-2008, 03:16 AM

يا من يوصّل كلمتي للقيادة=للحاكم المحبوب والوالد البار
ما عاد نبغي في الرواتب زيادة=اللي نبيه اليوم تخفيض الأسعار
التاجر المليان حط الوسادة=يبي يوصّل رأس ماله المليار
والا المواطن صار سهل اصطياده=جته الهوامير بوسط غب الإبحار
وأصبح نهار وليل وسط العيادة=ما بين طب الراس والقلب وشهار
والراتب الماخوذ جته القرادة=ما ينزل الا صافقه مثل الاعصار
فاتورة الهاتف وعاجل سداده=والقرض والكهرب وتسديد الايجار
والرأس صاير فيه ورشة حداده=قام يتحلحل فيه مسمار مسمار
قلت الركادة مير ما من ركادة=كني مع الحجاج في رمي الأجمار
من عقب ما جانا قرار الزيادة=من مجلس أهل الجود وافين الأشبار
كل من الفرحة بيقدح زنادة=وجبنا القروض نضارب السوق وانهار
وجينا نبي بس الرجا والهوادة=والله وكيلك شبّت أسعارنا نار
يا من يوصل كلمتي للقيادة=للحاكم المحبوب والوالد البار
ياللي عطاك الله ملك وريادة=وحبٍ بقلب الشعب تعداد الأمطار
ما عاد نبغي في الرواتب زيادة=اللي نبيه اليوم تخفيض الأسعار

الــشــاعــر:
مــنــصــور الــحــبــيــل
__________________

**معلومات** **العضو** · 26-09-2008, 04:21 AM

صح لسان الشاعر منصور

والله لايهينك على النقل المميز

وبالنسبة لغلاء الاسعار وزيادة الراتب ابشـــر لاتشيل هم اذا اجتمع مجلس الشورى في الجلسة القادمة راح لأقوولهم معاناتك ومعاناة الشعب هع

**معلومات** **العضو** · 26-09-2008, 07:24 AM

صح لسان الشاعر ولاهنت اخوي على طرحك...الله يرفع عنا غلا الاسعار

**معلومات** **العضو** · 26-09-2008, 08:59 AM

طرح مهم وجميل

صح لسان الشاعر

ولاهنت يا مبارك

**معلومات** **العضو** · 27-09-2008, 01:42 AM

الله لايهينكم منوررررين المووووضوع

~اخواني~الجــــابر~ المطـــــنوخه~ــبنتــالشايبـــــ~ــــ

مشكورين على هذه المرور

تحياتي ــمباركــــ اـل عريمهـــــــــــ502ــــــــــ

**معلومات** **العضو** · 27-09-2008, 02:39 AM

طرح جميل من الشاعر / منصور الحبيل

وبيض الله وجهك على النقل يامبارك ال عريمة

تقبل وافر التقدير,,,

**معلومات** **العضو** · 27-09-2008, 05:12 AM

مشكورررر يامبارك الله لايهينك وصح لسان الشاعر منصور الحبيل

**معلومات** **العضو** · 27-09-2008, 05:30 AM

بيض الله وجهك يا مبارك ال عريمه

وصح لسان الشاعر

وياليت يوصلونها للملك وأخوانه
وملكنا من كل خير قريب الله يحفظه ويطول بعمره

تحياتي وتقديري

**معلومات** **العضو** · 28-09-2008, 12:08 AM

مشكورين وبيض الله وجيهكم

اخواني ~فيصل الشكري~~الحبيبي10~

~ابن جلوي الشكره~~

تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية