راااااااااااااااااااااااااااااااااااااااح !

[معلومات العضو محمد حمدان المالكي]

رااااااااااااااااح !

يا ليت بادري بعد روحتك بتعود=وإلا يكن روحتك من دون رجعه
خليت قلبي بعد فرقاك ملهود=فرقاك مثل النار والقلب شمعه
من بعد ما كنت أمس بلقاك محسود=كلٍ يعاقبني بشوفه وسمعه
صرت التماسة حزن من قلب جلمود=قصه تسلي - لا قضى الهرج - ربعه
صرت اتفزز من شذا زاكي العود=عطرك يذكرني بسيده ونبعه
واسرح مع مبسمك وعيونك السود=والجادل اللي كان يتعبك رفعه
واصير من بين المخاليق مفقود=سارح معك ياموت قلبي ونفعه
موجود في الواقع ولا ني بموجود=قلبي .. سبب فرقاك صايبه فجعه
كل يوم اسال الشمس واتعقّب النود=وتصدني واسقي ثراها بدمعه
عل الدموع الحمر تنبت بعنقود=واوراق معوادك تمايل بفرعه
طال انتظاري والأمل فيك معقود=والهم ينهش - في حشا الصبر - سبعه
راح العمر وأنا اترجاك بتعود=مير اعتقد روحتك من غير رجعه

محمد بن حمدان المالكي
10/10/1429هـ

 

 

 

 

[معلومات العضو عطب الضرايب]

ابـــــــــن حمدان قصيدة جزلة من اللسان جزل
صح الله اللسانك كفو ::

 

 

 

 

[معلومات العضو محمد الولامين]

صح لسانك ولا هنت على ماقدمت

في انتظار جديدك