العــــــــــــــــــــــــزوه

[معلومات العضو عماري السيح]

يقـول مـن عـاف خلانـه ومجلاسـه = من هـول شـيٍ حـداه وكـدر نعاسـه
مجنـون خلقـه وجانـي واحـدٍ جنـي =احس كنـه سقانـي شـي فـي كاسـه
يحدنـي ليـن اوقـف لـه واغنـي لـه = واطب وسط البحر وا جيـب لـي ماسـه
اعرف متـى اجيبهـا صلفـه ومجنونـه = واعرف متى اجيبهـا ترفـه وحساسـه
راهـي وحذفـي بعيـد وشاعـرٍ مبـدع = الفكـر مثـل القلـم والقلـب كـرّاسـه
اعد نفسـي سـواة الزيـر فـي تغلـب = لاصار ضرب القنـا والـدرع والطاسـه
في ساعة الضيق مانيب اعـرف الذلـه=يامرحبـا بالخطـر لادقّــت اجـراسـه
لاقلت انـا اخـو نويـر مكبـر العـزوه=حتـى نـويـر سنافـيـه ومدبـاسـه
نـادوا فهـد لايجينـي واحـدٍ غـيـره= اللـي لاجـات الشدايـد مانثنـى باسـه
ياعزوتـي فـي نهـارٍ اشعـثٍ اغـبـر=يشرب به الدم شرب الماء فـي طاسـه
تقدِم وانا اقـدم ليامـن ثـارت الهيجـا=صوت البنادق نغـم والمـوت مرواسـه
الكـل منّـا صميـدع راس ومـشـورب=مثل البحر والبحر مـن يعـرف اقياسـه
مـادام حنـا عيـال جخيـر ابـن نـادر=حنـا حـزامـه وخـدامـه وحـراسـه
انـا بااوصـي ورد العـلـم لخـوانـي=حقٍ علينا نصيـر اقـرب مـن انفاسـه
عـودٍ رقـا بالمراجـل عالـي القـمـه=لاغاب نبـراس غيـره شفـت نبراسـه
يشهد له اقصى العـرب بالعـز والهيبـه=ويشهد له اقرب قريـب وربعـه وناسـه
والبن والهيـل وجـروم الغضـى تشهـد=والنجـر وايـده وملقاطـه ومحمـاسـه
هـذاك مـن هيبتـه حتـى تحنحـانـه=يهـاب منـه الهـوى لاهـب نسناسـه
اقسى من السيف والطف من هوى الغربي=لاقلت تكفـا عطـا لـو تطلـب الباسـه
ابيـه لامـن دعـا لبـيـه يسمعـهـا = لبيـه لامـن سمعهـا تجلـي اعماسـه
وابيـه لامـن تكلـم كلمتـه تسـمـع= وابيـه قـدره سمـا ماينحنـي راسـه
وابيه لامـن طلـب لـه حاجـةٍ يعطـا =لاقال هـدو جبـل هـدوه مـن ساسـه
والله لـه الشكـر والعرفـان والمـنـه = والعبـد لـولا رجـا الله يعلـن افلاسـه
اقولهـا عـن قناعـه وافتخـر فيـهـا =وقد قيل كلا ً علـى طبعـه وهوجاسـه

 

 

 

 

[معلومات العضو تركي ال فنيس]

ارحب ارحب يالعماري وصح السانك بس تري برفع فيك شكوي للاداره وين اسم الشاعر ههههههه

 

 

 

 

[معلومات العضو أبوفهيد الودعاني]

صح الله لسانك ياعماري السيح ولسان قايلها

وياليت تقول لنا من صاحب القصيده


لاهنت على كل حال


ولاتبطي بجديدك ،،،

 

 

 

 

[معلومات العضو عماري السيح]

أســــــــــــــــــــــــــــــــــــــــــــــــ ـف والله
ومشكورين على التعليق الطيب
(الشاعر: عاشق النايفه)

 

 

 

 

[معلومات العضو الساري]

في ساعة الضيق مانيـب اعـرف الذلـه يامرحبـا بالخطـر لادقّـت اجـراسـه



لاقلت انـا اخـو نويـر مكبـر العـزوه حتـى نـويـر سنافـيـه ومدبـاسـه



نـادوا فهـد لايجينـي واحـدٍ غـيـره اللـي لاجـات الشدايـد مانثنـى باسـه



ياعزوتـي فـي نهـارٍ اشعـثٍ اغـبـر يشرب به الدم شرب الماء فـي طاسـه


لاهنت على كل حال


ولاتبطي بجديدك ......