القصه الكآمله والشامله لكــل مــن....؟

[معلومات العضو صقر ال حقبان]

السلام عليكم ورحمة الله وبركآته

بعد التحيه والسلام لقد سمعت ابيات كثيره وقصص كثيره ولكن ما اذكره او ما سمعته من شيبانا

لم ادركه ولم احفظه حيث كنت صغير في السن وهناك قصص سمعتها كان يتكلم عنها الشايب الله يرحمه بس والله ناسي تفاصيلهآ وانا هنا اسئلكم عنها:

وهي قصة طليفيح الشاب الصغير الدوسري وقصته مع احد شجعآن قحطآن

والقصه الاخرى قصة راعي الشلفا في معركة الدواسر مع الشريف

وقصيده ابن مطرف التسعين بيت


اريد ان ازود بكآفئة المعلومآت


اخوكم: صـقر ال حـقبآن

 

 

 

 

[معلومات العضو ابوعبدالرحمن الودعاني]

أما القصه الثايه والقصيده حقت أبن مطرف فهي موجوده بالموقع فقط أبحث عنها عن طريق البحث بالموقع وستجدها بلمح البصر,,مرحباً والله بالحقبان كلهم مدير موقع قبيلة الدواسر الرسمي العبد الفاني أبوعبدالرحمن الودعاني

 

 

 

 

[معلومات العضو صقر ال حقبان]

شكــرا لمروركـ يا ابو عبدالرحـمـن وارجوا ان تلتمـس لي العذر حيث اني عـضـو جـديـد ولم اتمكن من الاستطلاع على هذا الكم الهائل من القصص والورايات التي نفخر بهآ

سوف ابحث عنها وان شاء الله اجدها وبخصوص القصه الاولى هل من احد عنده من المعلومآت ما يفيدنآ بهآ...؟

 

 

 

 

[معلومات العضو ابو زيد الغييثي]

هل تقصد المصروري اللي رما الحربه وصابت القحطاني وفرسه وعلقتهم بلارض ولا السالفه غير !

 

 

 

 

[معلومات العضو صقر ال حقبان]

حيآآآآآآآآك يا الغيثي


ايه يا طويل العمـر الي رمى الرمح وعلق الخيل وفارسهآ

والثآني طليفيح الشاب ][ صغير في السن ][ الي تيت خـيل شجآع قحطآن

ان عندك يا الغيثي اسعفنا بهاااااا

 

 

 

 

[معلومات العضو ابو زيد الغييثي]

الي انت تقولها هي يوم الجفير وهم سالفة وحده وهي من

اشهر ايام الدواسر على قحطان وسبيع

((هذه وقعه بين الدواسر وقحطان معهم السوده من سبيع وقتل اميرهم ذلك اليوم واسمه شباب بن باحص وحدثت الوقعه قبل فتح الرياض حيث نزل ال عبود من شيوخ ال مسعود من قحطان ومعهم السوده من سبيع علي الجفير بدون اذن ، و منهم جعفر واخوه ذيب واخوه عمر ،ولقد شرب فنجال ذيب نهار العيد ((طليفح بن حزام المصروري الدوسري)) ، وانتهت المعركه بانتصار الدواســـــر
وقد قال الشاعر صحين بن حويزي بن قويد الدوسري هذه القصيدة يسندها للشيخ محمد بن حفيظ شيخ الشكره الدواسر ويبشره بالنصر
/

ياراكـب مـن فــوق ســت تعـنّـىمن حميها تكسر عصي المواسيـر

تلفي لنا ابن حفيـظ زبـن المجنّـىحامي اعقاب اقطيهـن بالقناطيـر

يالـيـت مظـهـوره يـبـاري ظـعـنّـايـوم التقينـا بيـن عـذال وامشـيـر

الـطـامـع الـــي زارنـــا مـاتـهـنّـاخذنا جـواده والسلـف والمظاهيـر

وخيـار ذوده صـدرت فــي وطـنّـامن عقب ما ترعا خشوم الدعاثير

وعندما وصلت القصيدة للشيخ محمد بن حفيظ رد على الشاعر صحين بن حويزي المسعري بهذه القصيدة :
يـا

مـرحـبــا بـاركـابــك الــلـــي لـفــنّــااعــداد مـاتـذري هـبــوب المعـاصـيـر

يـامــرحــبــا تـرحــيــبــة مـاتــمــنــالامـنـه بــدل رفقـتـه قـاطـع الـسـيـر

لـيــت الحـمـايـا يـــوم جـتـنـا وحـنّــابيـن( الجفيـر) وبـيـن عــوج الـدواويـر

والله أن يجيـكـم يــا جمـاعـة ظـعـنّـاوخـيــل تـنــازي بالـعـيـال المنـاعـيـر

حـريـبـنـا لا شـافـنــا جـــــظ مــنّـــامثل الخريـش اللـي بلاهـا مـن الطيـر

مـاقــومــه الا بـالـمــلاقــا طــعــنّــامن فـوق قـب معسكـرات المساميـر

يــا نـفـدى الـلـي يـــوم غـبـنـا كـفـنّـاسربة (اصخاف الشول) عند المعاشير

لا جـرهـا( ابــن قـويـد )زبــن المجـنّـايسهـج خصيمـه مثـل سهـج الطوابـيـر

اصخاف الشول: عزوة المساعره
شباب بن باحص امير السوده من سبيع وقد قتل في المعركه ذبحه ماجد بن عايش الدموخ المساعره الدوسري وقد قيلت كثير من القصائد بس لم نحفظ سوا هذ البيت

شباب شوق الي ثمانه مغاتيرعليـه طيـر ام علجـان يتثنـى

هذه قصيده
قالها محمد بن برجس المصارير الدوسري ، وتخلد مافعله حزام بن شبنان

ابديت باسـم ا للـي ينشـي المخايـلالواحـد اللـي تسجـد الخلـق لرضـاه

يالله يامعـطـي العطـايـا الـجـزايـلرب كــريــم مـغـنـيـات عـطـايــاه

ويــا الله يـاعـدال مـاكــان مـايــلياعـالـم مـاكــان بـالـصـدر يـكـنـاه

القلـب كنـه وسـط حامـي الملايـلولا يستريح القلب في غيـر مشهـاه

ودي بــدار مطـوعـة كـــل عـايــلربـع كـمـا ضـلـع يعـنـز لـمـن جــاه

ربعـي كمـا سـيـل يـطـم المسـايـلكـم مـن عقيـد راح فـي زمـة غثـاه

لا د الحبـيـبـي تشـتـهـر بالـفـعـايـلاثقل علي العدوان من طويق وقراه

عدونـا يمـسـي بــه الحـيـف مـايـلوان جـا نهـار الكـون ماحـن بنـدراه

من صلب اهل العشر كسبنا النفايلذود المعادي في ضحا العيـد زعنـاه

ومـنــا حـــزام شيـخـنـا بالكـمـايـل((حزام ابن شبنـان)) فعلـه ذكرنـاه

ضـربـة يميـنـه وقـعـت بالفـصـايـلكم طيرت رجل وفـرس بشلفـاه 1

ولا خـيـر فــي هــرج بـلـيـا دلايـــلوفنجـال راعـي الـزود حنـا شربنـاه

شـربـه طليفـيـح عـريـب السـلايـلسنـه صغيـر وسيـرة العـز ممشـاه

وكـم طامـع لديـارنـا جــاك صـايـلوخـلــي طـريــح للـذيـابـه تـعـشـاه

1- والبيات السابقه تثبت صغر سن طليفيح وتثبت ضربة الرمح لحزام بن شبنان في راعي الفرس

وهي روايه لاخي تركي والودعاني واضفة قليلا منها بعض التفسيرات


أخوك ابو زيد

 

 

 

 

[معلومات العضو صقر ال حقبان]

تــسلم يبو زيد على هذا الكم الهائل من المعلومآت والله الواحد يعتز ويتشرف بآعضآء مثلك يردون علي الموضوع
ولاهوب اي عضو عضو عضو مثلك يابو زيد كفييت وففيت وانشهد ان قرم ابن قرم ماجبت القصه بس جبت القصه وقصيدتها انشهد انك ذيب ابن ذيب


وتسلم على الرد الكافي والوافي بيض الله وجهك يبن العم


اخوك: صقـر ال حقبـآن

 

 

 

 

[معلومات العضو خالد الحقباني]

صقر ال حقبان مشكور على الموضوع

والشكر موصول للشهم ابو زيد الغييثي

 

 

 

 

[معلومات العضو ابو زابن المسعري]

بيض الله وجيهكم يالربع كلكم علومكم غانمه وتنومس

وحبه خشم لبو زيد جعله ذخر لبني عمه

 

 

 

 

[معلومات العضو ابو زيد الغييثي]

صقر الحقباني ومن قال يسلم واتمنى اني اكون عند حسن ضنك

خالد الحقباني لاهنت على الاطراء

ابو زابن احرجتني