ينخى عيال(ن) مثل زايد قويّه !!

[معلومات العضو إبن دوسر]

السلام عليكم ورحمة الله وبركاته ,,

ها انا اعود لكم بقصيدة متواضعه , اتمنى ان تحوز على رضاكم !!

كتبتها ليلة البارح بسرعة ( طلب منّي احد الاشخاص قصيدة

مدح في آهالي القرينه وانا منهم طبعاً ).. فأستجبت له ,,

وكتبت هذه الابيات الكيبورديّه وألقيتها.. :

اهل القرينه وين ماراحوا وجيت !=تلقون ربعي في الظروف العصيّه
اليا طلبت امجادهم تاجد الصيت=عز(ن) ومجد(ن) سامي(ن) في مديّه
ماتكفي الكلمة وبيت(ن) ورا بيت=ياما حلا مدح المداين عِليّه !!
لا ضاع شخص(ن) ماخذا له مثابيت=ينخى عيال(ن) مثل زايد قويّه
حط الدراهم تارك(ن) هالمخابيت=هذا كرم بالفطره اللي وليّه
نادوا هل الخطلان زايد وناديت=تلقى وتلقى من نشامى حميّه
وهل القرينه ويش اخلي وش اديت=نعم الدواسر سبعة انعام وميّه
لا شك مابه في القبايل مشتاتيت=كل(ن) وطيبه ينثره في خويّه

وسلامتكم ,, والله لايهينكم

محبّكم / محمد عبدالله الودعاني ,,

 

 

 

 

[معلومات العضو هادي الغريري]

صح لسانك ويستاهلون الممدوحين


كل الأحترام والتقدير

 

 

 

 

[معلومات العضو إبن دوسر]

المشاركة الأصلية كتبت بواسطة هادي الغريري

صح لسانك ويستاهلون الممدوحين


كل الأحترام والتقدير

صح بدنك كلّه هادي ,, واعذرني يوم حذفت الموضوع السابق ولكن لأسباب

ماعليك زود يالغريري ,, عز الله انّك وافي يالذيب ,, الله يسلمك ويبقيك !!

 

 

 

 

[معلومات العضو إبن دوسر]

مازلت انتظر ارائكم !!

 

 

 

 

[معلومات العضو بدر بن صقر العجالين]

كفوووو والله يستاهلون

( صـبـيـان زايــــد )

صح الله لسانك شاعرنا ابن دوســر..

والله لايهينك على ذا الأبيات الطيبه..

وتقبل تحياتي ..

 

 

 

 

[معلومات العضو فهدالمحيسن]

صح لسانك ويستاهلون الممدوحين


كل الأحترام والتقدير

 

 

 

 

[معلومات العضو إبن دوسر]

المشاركة الأصلية كتبت بواسطة بدر بن صقر العجالين

كفوووو والله يستاهلون

( صـبـيـان زايــــد )

صح الله لسانك شاعرنا ابن دوســر..

والله لايهينك على ذا الأبيات الطيبه..

وتقبل تحياتي ..

مرحبا يامرحبا والله بالحبيب أبو زايد..

والحمدلله على السلامه.. وصح الله بدنك يالذيب

ومن قال تهون يأبن العجالين.. لك جزيل الشكر ولا هنت!!

 

 

 

 

[معلومات العضو إبن دوسر]

المشاركة الأصلية كتبت بواسطة فهدالمحيسن

صح لسانك ويستاهلون الممدوحين


كل الأحترام والتقدير

صح بدنك كلّه يابو بدران.. ماعليك زود يالغالي

شكراً لك..