عزوتي سقم الحرايب عطيبين السهوم=عزوةٍ في غياثِ جعل السعد يبرالها
من هل الطولات والمدح في اليوم الزحوم=للصديق أصحاب وأمَا العداء سلاَلها
كان ثار الهيج والحرب دخانه كتوم=إعتلينا فوق قبٍ نفك إحبالها
قايد السربة شجاعٍ على الأعداء دحوم=ماأنثنى من غارته لو تزيد إشعالها
ذاك إبن نصار شيخٍ له الطولة تشوم=أخوْ فرجة كان كبرت لنا حلاَلها
وإن وردنا الماء شربنا وخلق الله تحوم=في نهارٍ كل شيباننا جهَالها
وفي ذرانا ترتع الوُضح والشقحا الردوم=نرخص الأرواح من دونها وإفدالها
وقسمنا بالطيب وافي من خيار القسوم=والمعالي والفخر دايماً نسعالها
والقبايل تفعل الطيب وتسد اللزوم=مانغط إفعولها لاإنذكر مجالها
ابو محمد
صح لسانك ملاييييييييييييييييييييين
يالقرم
وتقبل تحياتي