[معلومات العضو عبدالله بن مرضي الجماعين]

اهدي لكم هذه القصيده وهي ليست من قصيدي وأنما لأخي ظافر بن مرضي الجماعين عندما كان يعمل عسكري بالحرس الوطني بالرياض عام 1408هـ

طول صبري من نظام الرقيب المستلم= لاطلبته رخصة حطم الوضع اتحطيم
والله مامن مرة قد نواني بنهزم= وارمي بدال الحرس في رجى رب كريم
مل قلب من همومه يمل وينصدم= كنه يلطم داخله راس شوكة شبك سيم
ليت قلبي لابداله لزوم ينقسم=قسم يجي للسليل وقسم في النسيم
شف بالي ديرة من جنوبي الدلم = اربع أمية كيلو من ورى حوطة تميم
ديرة لا جيتها سج قلبي وانسجم = جعل يسقيها الحيا لين يخضر الهشيم
هي مداهيلي عساها تقداها الغيم= جعلها سيل جديد على سيل قديم
زين عقب السيل سجانة فيها القدم=وزين شوف الجو فيها يلامن صار غيم
أثر راعا الدار من حبها ما ينفطم = لا غدى منها بعيد غدى مثل اليتيم
لايمي في حبها جعل يعطية الوهم=والله مايشره على واحد عقله سليم
وكن في عيني على بعد محبوبي هزم= اتشالا يوم اشوفه ومن فرقاه اهيم
عاشقه من وقت رعيي ورعيه للبهم= وظني ان اموت وانا اعشقه والله العليم

الشاعر| ظافر بن مرضي الجماعين