السلام عليكم ورحمة الله وبركاته
لقد ذكر الاستاذ ابراهيم الخالدي في كتابه
صفحه 105
من كتاب شاعر الزبير عبدالله ابن ربيعه
الطبعه الاوالى 2005
وهو يعلق على البيت التاسع في الهامش من رد ابن لعبون
على عبد الله بن ربيعه عندما هجا ابن الحسن
عن المجد انشد بني يام ومطير وانشد جماجم روسهم عند واره
وقال عن معركه واره الشهيره قال((
وهي غير مذكوره في مرمراجع تاريخيه
وهناك من يشكك بوجودها اصلاً!!))اقول
ياستاذي العزيز ان البيت الذي علقت عليه صححه الامير مران ابن قويد عندما سؤال عنه
واوضح بانه خاطا
وروايته الصحيحه هي
عن المجد انشد بني لام ومطير =وانشد جماجم روسهم عند واره
والمعركه هي بروايه الامير مران (( الدواسر كما هو معروف بادية اهل بكار جرد وخيل حرد ، واهل سنان واهل عنان ، حينما تهطل الأمطار يذهبون إليها في أي مكان ، وفي احد السنين ادهرت ديار الدواسر فرحلوا شمال صوب( وراه) والمناطق ذيك ، وارتعوا مع العجمان قوم بن حثلين ، وجاء ابن شعلان امير الرولة معنز على الدويش وجاء معه واجتمعوا في ذلك المكان ، وحصل بين العجمان والدويش محاكة ، فاستحمى الدويش بابن شعلان وحمى له ، والعجمان استعانوا بالدواسر ، وصبحوا مطير ومن معهم الدواسر على غفله ، وركبوا عليهم الدواسر وحدثت معركة كبيره ذبح فيها ناس كثيرين منهم وطبان الدويش أمير مطير وأخذت الريشة في تلك المعركة .))
ومن القصائد في الشاهد ه على المعركه يقول الشاعر سعيد بن خذيعان المساعره :
الدويش وطبان جاب مطير غازينا=مع ابن شعلان بالريشـة يقّديهـا
حاولانـا بليـل ٍ فـي مماسيـنـا=على صباح بيوت ٍ فـي مبانيهـا
ألفيـن خيـال وإنّـا يـوم عدينـا=بـلا ثمانميـة ٍ للحـرب نبغيهـا
نركب على الخيل ماشـيٍ بيلهينـا=من وقعة حربتـه ماعـاد يثنيهـا
مية وخمسين قلـع ٍ مـن يمانينـا=وحصان (وطبان) غلقهـا يوفيهـا
ياذيب ياللي مع الصفـرا تبارينـا=عشاك ( وطبان) في مقدم نواصيها
معاد هاشوا لا سمعـوا عزاوينـا=قفت مطير ٍ تشمامت في نعاويهـا
اما ابن شعلان يومه جاهلن فينـاي=شمت نصيبه ومن جابه بعد فيهـا
دون العشاير قلعنا الخيل و إنحينا=ما نضرب إلا الجماجم من علابيها
هذا لعينـاك يـا منهـو يوصينـا=بالريشة اللي تجيك اخبار راعيهـا
بارماحنا اللـي توردهـا يمانينـا=أخذ المزين وعطفة ريشتـه فيهـا
ويعلق الاستاذ ابراهيم على البيت 16ويتهم ابن لعبون بالكذب ولافتراءلظنه بئن
ابن الحسن من اجلا جد ابن ربيعه وطبان
ولاكن اذا رجعنا الى ابيات ابن ربيعه ماذا قال
قال
ليتك تقر بخطبتك بتن صنيفير= وانشد بني عتبه ترى العجم داره
استشهد ببني عتبه الذين اجلوهم
ال الحسن عن الافلاج ناحيه الشرق
قال ابن لعبون
جده نحا جدك عن العرض والنير =حدرك يم الشط تاكل اصباره
حدرك اي نفاك شرقاً
وللعلم بان جد ال صباح
دفن في الزباره في قطر
وهم المقصودين بالبيت (العتوب )
ولقد جلا العتوب اثر معركه الهدار الشهير ه
وتقبلوا تحياتي
ابو زيد الغييثي
والشكر ومصول لمحمد الغريري