يا سلايل لابة(ن) تروي الحسـام=والدخيل فحدودها تاسـم عصـاه
الدواسر لابـة(ن) يـوم الكتـام=ترفع البيرق امزحزحـة العـداه
من ديار نجـد الـى حـد اللـدام=لين ما تشمل الـى نهـر الفـراه
ومن حدا البحرين للبيت الحـرام=لين ما تجنب الـى حـد الوطـاه
لا اعتزا فينا صبيٍ لو فـي شـام=تهتز اراضي نجد وجبال السـراه
الأستاذ وإبن العم الغالي : محمد الغريري
يامرحباً تراحيب المطر ياابو صهيب والله إني صادق
الحقيقه قصيدة جزله ووافيه من راس جزلٍ ووافي
ولقد تشرفت بسماعها منك شخصياً في يوم الحفل
وهاأنا أقرها اليوم في المنتدى
جعلك ذخر لبني عمك وطالت حياتك على العز والطاعة
وصح الله لسانك وإعتلا شآننا وشآنك دنياً وآخره
تقبل ودي وتقديري
محبك ومغليك : أبو محمد