( ( شور ))
((هذه القصيدة قالها الشاعر/ عبد المحسن بن فوزان آل سويلم رداً قصيدة علي بن سند ال....... التي هجا فيها البدرايين من قبيلة الدواسر ))
سار القلم ياللي تهيضت به سار=وابديت فيما أمليت يا علي شور
ياابن سند حفرك العميات الأبيار=عار عليك وأنت في حال مستور
تقول :بهت بالبدارين ماصار=كافيكم الله واعد قايل الزور
عندي سنعك إن كان في معنى الأشعار=تفهم واظنك يافتى الجود مغرور
ماينطح الخيال قراش بزوار=ولايمن الخايف من الناس مقهور
خل المارى ياعلي مالكم كار=للي يحبون المنادى على الفور
لابركت شيب الغوارب بالأزوار=ومقلداتٍ الشلايل من الجور
الشر يعبا بالملاقي للاشرار=حيٍ بحي وكل شارب بمقدور
أولاد ابن بدران ياعمي الأبصار=مثل النهار إلى طلع ما خفى النور
أخص أهل (الواسط)إلى بار من بار=سم الحريب إلى أنبثر كل مثبور
حنا نفك الدار ونولع النار=وأنتم على ماقيل: مافيكم قصور
يوم ابن عامر جالة الضد زوار=والزايدية زرت النوف منثور
تنخا إلى زايد كلهم تندم الثار=البدو تزهمهم وسكانة الدور
طير البلاء وقع وطير السعد طار=والدم بين الحفيفين منثور
هاب الذليل علومة طوال وقصار=فية الحكي وبحزم كلاب مكبور
حنا سقينا الضد كاسات الأمرار=عمودكم منا وحنا لكم سور
عنكم لنا الطولاتفي سر وجهار=من بنيت الكعبة إلى نفخةالصور!!
ذبح التميمي والفلك دار واندار=كم أملج ينعنة البيض مقبور؟
الشاهد الله والتحدث بالأخبار=حق جري في واضح الطرس مسطور
هذا جوابي واصلك وأنت بخيار=وإلاقاصر الفهم معذور !!
على النبي صلوا عدد نبت الأشجار=أبديت فيما امليت لك ياعلي شور
*الواسط/وهي بلدة البير من بلدان المحمل شمال نجد وهي خرج منها الكثير من الدواسر البدرايين والوداعين إلى ثادق والصفرات والزلفي والقصيم والغاط والقرينة وحريملاء ودقلة
*لمزيد من تفاصيل عن قصيدة الاطلاع على ديوان البدراني