عودتللي ياشيخ من غربة سنيـن=عودتللي من غربة مالها قيـاس
غربه طويله شيّبت ناظر العيـن=غربه لها مني أنحنى عالي الرأس
غرّبتني شـوق ومـوده بتفنيـن=وغّربتني غربة غريب وسط ناس
غّربتني بالشوف والسمع يازيـن=غّربتني فكر ومشاعر مع أحساس
غّربتني لين أشتكى منـي البيـن=غّربتني عمر" وصل قمة اليـاس
واليوم تلفي يابعد كـل الأدنيـن=تمسح دموع"مسحها قول لابـاس
أهلا" هلا بك مرحبا فيـك ألفيـن=ترحيبة" تاصلك مع كل نسنـاس
عوّتللي عـودة شفـوق لغاليـن=وبرجعتك زالت معك كل الأتعاس