السلام عليكم ورحمة الله وبركاته
هذه قصيدة قالها الشاعر حمد بن سعيد بن مطيع ال عامر اليامي في الشيخ مبارك بن محمد آل مطلقة آل حجي الودعاني الدوسري.
يالله ياعالـم خفـيـات الاحــوال= يالواحـد المعـبـود ياذالجـلالـي
ياخالق بالناس من كـل الاشكـال=ياوالـي ولا غيـرك اليـوم والـي
ترفع هل النوماس جزلين الافعـال=ذخر الشيـوخ معربيـن الخوالـي
عون الرفيق اهل الوفا ذخر الابطال=اهل الكرم والطيب ذخـر الرجالـي
سقم الحريب اهل اللقا لا اظلم اللال=سم على كبـد الاعـادي وصالـي
وسقم الحريب اللي على ديارهم مال= لطامـة العايـل فـي اول وتالـي
((الاد زايـد ))معاديـة كـل الانــذال=أهل الشرف واهل الفعول الجزالـي
واخص من هو للصعوبـات حـلال= (مبـارك محمـد) كريـم السبالـي
شيـخ وبيتـه للمناعيـر مدهـال=ريف الضعيف وريف من جاه جالي
ريف الرفيق اللي عليه الدهر مـال=وعليـه صكـة مظلمـات الليالـي
قرمن على الطالات لدخيلة ضـلال=راس كما ترس الجبـال الطوالـي
قولةالنعم تاجب وهو للنعـم طـال=طال النعـم والحـق قـول يقالـي
ياشيخ جيتك وانـا للعلـم حصـال=ومثلك يشجـع طالبيـن المعالـي
يا شيخ عند الزيد وقفت بالاحمـال=ولعاد غير الله ثم غيـرك يسالـي
واختامهـا ياعالـم كـل الاجــال=ياواحـد نشـا صـدوق الخيالـي
ترفع هل النوماس جزلين الافعـال=ذخر الشيـوخ معربيـن الخوالـي