راكب الي ماضهدها الحيام = اديب لاشديت حبل الصريمه
ماحداًعقلها عقب مرباع عام = ماغير اهي في دايجً بالحشيمه
تنصى بنا الي جارهم مايضام = قصيرهم بالسلم ماحداً يضيمه
في غبةً يرعونها بالجهام = مرجوعةً عقب الوسامي القديمه
لامن شبك نوارها والقصام = متنبهً عشب السهل عقب غيمه
كن الزبيدي في المحاجر عظام = ماعاد له في كل الاسواق قيمه
نبغي نشوف ربوعنا والعمام = كبدي على شوف الجماعه محيمه
ابا انصح اللي يفتهم للكلام = سلامةً من بعض الاشياء غنيمه
يالله طلبتك يارفيع المقام = يمناك للي يطلبونك كريمه
انك تجيب الولي من عقب الوسام = يهمل على نبت الصلاعه هديمه
يسقي لنا داراً ربت فيها الادام = تلقى لنا في طارفتها وسيمه
اما الرشم ولا عليهن ً الوشام = والخده اليسرى تراها سليمه