بسم الله الرحمن الرحيم
ابن مطرود الشراري اول مره يركب الطياره ، فقال قصيدة ممتازه
ودعت ناجح في مطار القريات=يومن ركبنا الطايره وشلعتنا
لفت ودارت وامرجت بين لحظات=لولا الكراسي والمحازم رمتنا
طاروا بنا حمر العلابي خواجات=زغز العيون وجيهم هولتنا
تكفى تشهد يافهد واقر ايات =الموت جانا والظروف اجبرتنا
جانا المضيف وقال وش فيه حاجات=قلت نزلونا بطونا اوجعتنا
من قبل اشوف الغيم دون السماوات=واليوم اشوفه يافهد من تحتنا
عز الله اني ماحسبت الحسابات=والا ترى سيارتي موصلتنا
يازين ممشى الارض لو هي مسافات=والنا بشعيب مصلحين قهوتنا
وش جابني للطايره والمطارات=والله ماعود ركوبها ان نزلتنا
لو تنفجر فينا تذيع المحطات =رح عاد دور قشنا من جثثنا