[معلومات العضو وسام العصا]

سقت المشاعر كلها لك وانا سقت=قلبي وانا معنا الغلا لك وسقته
من لهفتي سجيت رجلي وسابقت=شوقي سبقني لك وقلبي سبقته
ما عاد تفرق دام كلي لك اشتقت=وباب ودك لي نصيب وطرقته
شمس الغلا شعت بنورك واشرقت=وبراق وصلك في سمايه شعقته
تبغا الوكاد ببحر حبك تعمقت=بمركب وله ابحرت وموجك عشقته
يوم ان قلبي رام حبك تعلقت=وأول حروف الحب باسمك نطقته
اتعبتني في غيبتك ليه عوقت=بقربك يطيب الكيف وهمي حرقته
انا وقلبي من سنين تفارقت=قلبي معك مع ذا انا الحب ذقته
صحيح في جزل العطايا انا فقت=كل البشر بس قدركم ما لحقته
لا تندهش اطلبك دين ولا بقت=ولو ما تسدد دين حبك سرقته
على النقا ياصاح لا شفت لا ذقت=الا ان طيفك لو يمر اعتنقته
حظي مجافيني وذا الوقت به ضقت=لا الحظ ساعدني ولا الوقت وقته
يمك انا والحظ لأقشر تسابقت=يالله عسى هاليوم حظي سبقته