تعديل بسيييييييييط
حيـيـت يـابـرق ٍ بـنـوّه يـلـوحـي
في مزنة ٍ غـرّى ريشـت مـن سماهـا
ترعـد وعالـي نوّهـا فيـه ضـوحـي
بأمـر الـذي يعـلـم مقـاديـر مـاهـا
مـن كثـر ماهلّـت تسيـل السفـوحـي
وتمشـي مسايلـهـا وتمـلـى وطـاهـا
جعلـه علـى كـل الجزيـرة يسـوحـي
سـواح رحمـه كلـنـا فــي رجـاهـا
يفرح ابهـا اللـي فـي زمانـه لحوحـي
راعـي النيـاق اللـي بجهـده رعـاهـا
وضـح ٍ اتـلادن يتعـبـنّ السـروحـي
الـلـي مفاليـهـا بـعـيـد ٍ مـداهــا
يجيبهـن حـس الـرحـول الضبـوحـي
مـا قـال ذيـك مقفيـه ويـش بلاهـا؟
ووسومهن(عـوج القـلايـد) تلـوحـي
( وضح ٍ غييثيّـات) مـا احـلا حلاهـا!
كـم ربعـن قفـر ٍ ازهــوره تفـوحـي
وكـم ورد ٍ خضـرا خطـرهـا حمـاهـا
يرعـن بظـل معاشقـيـن الطمـوحـي
اهـل المهـار اللـي اتعسكّـر احـذاهـا
تزاهلهـم خطـو الصهـات الجمـوحـي
ويزهـالـهـا ركـابـهـا لاعـتـلاهـا
لاقـام صيـاح الضـحـاوي يجـوحـي
تشعشـعـت بأذيالـهـا مــن بـلاهـا
لحقـت ((بخيـال البويضـا)) الطفوحـي
وعلـى لهيـب النـار صـاح وشـواهـا
وان قال(( انا ابن غياث)) 1 تارى وتوحي
ظـرب يخلـي الخيـل ترمـي افـلاهـا
ومـع بنـي عـم ٍ تجـوح الجـروحـي
بشلـف ٍ مضاربهـا تثـاعـل ادمـاهـا
هـذا ولـد عــم ٍ عـديـل الـروحـي
وهـذا رفيـق ٍ حربتـه قــد وراهــا
وهذاك اخوي اللـي صبوحـه صبوحـي
يـذر فـي عيـن المـعـادي ادواهــا
اخـوي لا كـثـرت عـلـيّ النبـوحـي
ضـد الكـلاب اللـي خبـيـث ٍ لغـاهـا
كـم خفـرة ٍ علـى الحبايـب تنـوحـي
فـي ملعـب الزلبـات يِقـطـع رجـاهـا
ربعي جنـب وضحـا ً سنـاد ٍ رجوحـي
مـن ذاق طـعـم حرابـهـم مابغـاهـا
جنـب ووايـق فـي طويـل السفوحـي
وجـاه الحـصـار وعافـهـا ماخـذاهـا
يـدري وراهـا مبعـديـن الشبـوحـي
ذعـار البـلا تعطـي البـلا مـن بلاهـا
((غييثـات)) لا قلـت حكايـا المزوحـي
والأنيـاب بـانـت ماغطـاهـا شفـاهـا
يفـرح بهـم راع الحصـان اللـدوحـي
والخيـل جاهـا شرهـا مــن وراهــا
(حمايـة التالـي)2 بـيـوم ٍ يفـوحـي
حــره ونيـرانـه تـوقــد لـظـاهـا
قبـيـــــلـةٍ كـســـابــةٍ لـلـمـدوحـي
وعـذروبـها دايـم تعـز قصـراها
ذكـراً لأهلنـا بـاديـه مــا تـروحـي
مـن مقـدم الأجـيـال لـلـي وراهــا
والحـرب فـات وراح جعلـه يـروحـي
والله يـعـز الــدار والـلـي حمـاهـا
وصـلاة ربـي عـد بــرق ٍ يلـوحـي
واعــداد ماهـلـت مقـاديـر مـاهـا