هذه القصيده رثا في
الأمير الدكتور سلمان محمد الأحمد السديري رحمه الله
البارحه ماذاقت عيوني النوم
ان مرها حلو المنام ايتعدا
أجر صوتي واقعد شوي وأقوم
وكثر الروابع هدت الحيل هدا
وليا نشدني واحدن قلت مهموم
وقمت اتغاضا عن هروجه واصدا
مرحوم ياسلمان مرحوم مرحوم
يالي غيابك يثر النفس جدا
انا أشهد انك يابن الاجواد زيزوم
ياللمحزم الي في المواقف يشدا
حرام ياسلمان مايلحقك لوم
امعرب ن من يم خال ن وجدا
يالله عسى رزقك من الخلد مقسوم
في جنت الفردوس وأنت المبدا
ياولد اميرن فالقا ينطح القوم
يضد عدوانه وهو مايضدا
يوم الحرايب بين هازم ومهزوم
ماحط راسه فوق برد المخدا
وال السديري كلهم درع وقروم
مامنهم اللي في اللزوم يتردا
والقاف بالريحان والمسك مختوم
من شاعرن في الواجبه مستعدا