[معلومات العضو محمد بن سالم الخضراني]

بسم الله الرحمن الرحيم صوت وصدى هذي قصيده لشاعر : طويرش بن بداح الشكره مخاطب ٍ اخيه الشاعر : شجاع بن حمد الدعيدع الجعيدي ويصف العاجز وهي ناقة لطويرش ويصف ممشاها . ويثني على الشاعر شجاع الدعيدع وعلى لابته يقول طويرش بن بداح الشكره شجاع جاتك العاجزه تذرع القاع=نسنوسها المارق يساوي ظهرها جاتك مع البيدا تمزع تمزع=تصف الخفاف الي كباراً شقرها تشكي عليك الحال يوم انت فزاع=ياعيد اهل هجننً شكت من جمرها من لابتاً اثقال يوم التزعزاع=المرجله يرقون كايد وعرها تبغيي ع الصمان من العرق تنداع=صوب الهشوم الي تقدم مطرها الي بها الضمران والرمث شراع=ودعوبها كن الزوالي زهرها محيرها يشدي كما زرع زراع=تنسف عليك النود صافي مغدرها تلبست عقب العراء لبس الادراع=يما حلى في قفرها جد ثرها وهذا رد الشاعر : شجاع بن حمد الدعيدع الجعيدي الفاطر الي مشيها له تبواع =يامرحبنا لاجاتنا عد ثرها انا لها لا عافت الخد بزاع=مانيب منهو في المهونه ثبرها بمهيلها تاخذ معا كل مهياع=نبغي ديارا دير مغزر مطرها فسناع براقا سمر له تلماع=نبغي الوسوم الي تخالف زهرها برعابها من عثعث ً نبته انواع =ومن مد ربي شلته في ظهرها قلبي مع الطرعات مانيب زراع=تنعش ظمير القلب لمن ذكرها لريعت لصوت خطوات ميلاع =الي تشوف العين زمت ظهرها لفوزت من ديرت القوم فراع=يانحمدالله سايلاتً ديرها وصلات ربي عد ماهب ذعذاع=ع النبي اللي الرساله نشرها ومني للجميع الود والتقدير