[معلومات العضو ابو زابن المسعري]

الشاعر فيصل الفوزان الثاني من اليسار


اقام رجل الاعمال ضيف الله بن عبدالله المزيد يوم الخميس ليلة الجمعه الموافق 24_3_1433 حفل عشاء لشيخ فيحان بن جروان بن قويد بالمنطقه الشرقيه
وقد جادت قريحة الشاعر فيصل بن محمد الفوزان الذي كان ضمن المدعوين
بهذه الابيات

جينا لضيف الله من البعد عانين=ولو مادعانا كان جينا زياره
ولو ان بن مزيد ورى بحر قزوين=لابد مانجلس على حد ناره
والبعد يقرب لو دعوك العزيزين=والقرب يبعد لو دعاك الخساره
ولادعى الطيب ترى دعوته دين=ولا الردي عسى عماره دماره
وماحد يجيله لو ملكله ملايين=ولو الذهب في خزنته كبر قاره
واقرب من الطيب وخل الرديين=وخل الردي اللي ضيوفه سماره
ونهج لابن مزيد رفيق الملايين=وذباح للضيفان جبر الفقاره
ذباح للضيفان حيل وبعارين=وعلى الصنايا كنهن الزباره
وكريم سبلا من كبار الوداعين=ومن روس قوم ماتهاب الخساره
واهل ثمان وبالمواقف قويين=وقت الحرايب ماتوفر عماره
ويشهد على ذالك معارك جبل تين=يوم الشريف مطيرينن غباره
ونعم الضيوف اللي على الشيخ ملفين=شيوخ قوم ومن بيوت الاماره
فيحان مثلك مايبيله عناوين=الشمس نوره واضحه في نهاره
ويابن قويد الناس بالفعل دارين=واللي غرس غرس جنى من ثماره
وانتم غرستوا بالجزيره بساتين=غرس الشرف ماهوب غرس العماره
مساعره لاثار بالجو تدخين=كم من عدو ماجبر من كساره
ولكم بصفحات التواريخ تدوين=واللي يقود القوم دايم خياره
واهل الكرم ومفتحين الدواوين=قبل يولع بالجزيره اناره
والباب ماعود على قولة مين=والباب دايم لابق في جداره
وختم الجواب عداد ماترمش العين=على شفيع الخلق يوم الكراره
يوم تجمع به جميع الديايين=في ساعة تاخذ صغاره كباره