[معلومات العضو مسفر ابن عبدالله الدوسري]

المشاركة الأصلية كتبت بواسطة من هل الوادي

قصيدة للشاعر صنهات بن سعد آل قويد في الحفل الختامي لأنشطة جامع الصالحية بوادي الدواسر في رمضان لعام 1432


يا مـرحـبا يـالي حـضـرتـوا ملـبـين *** فـي حفلنا جـيتو وفـى وأستجابة
وبــعـدها فــي خاطــري يامـيامـيـن *** قـول عسى المـولى يحط القـدابه
هـذا رمضان راح في رمشة العين *** ميـر أغنمه مـن قبل يكمل ذهابه
لاجـا نـهـار فـيـه وضـع الـمـوازين *** ترجـح موازين التقي مـن زهابه
فـقـم صل مع جمع العباد المصلين *** يرضى عليك الي جميع الرجىبه
واتل الكـتاب وخـل عـنك الـمغـنـين *** الي على عــود الـغـنـى والـربابة
ومـد اليمـين لخـوة الي على الدين *** الـي لهـم فـي الـديـن قـول وجـابة
الي مجالسـهـم تغـيـض الشياطـين *** وأبليس منها يحـتـرق فـي عـذابه
وحذرى تقـول نتـوب ياشيخ بعـدين *** كــم واحـد روح مـن أول شـبـابه
الـعــمــر يـفـنـى واللـيالـي مـياديـن *** فافعل بها ياخـوك فـعـل الصـحابة
الي مـشـوا نـهـج النبي مستـقيمين *** ماحـاد مـنهـم مـن طريقة مشىبه
والخـاتـمـة للـعـــفــو يارب راجيـن *** وراعـي الخـطى يارب تقـبل متابه
والي مشوابرضاك وأمرك مطيعين *** ماقـدمـوا تجـزل لـهـم فـي ثـوابه

صح الله لسانك ولسانه ولاهنت على النقل