[معلومات العضو وقيان الصخابره]

يالله ياللي عندك الرزق مضمون = ياللي خلقت الخلق يارب الارباب
بديت بسمك ياعليم ِ بذا الكون = تفرج لجفنِ عن لذيذ الكرى طاب
تلعب بنا الايام من دون في دون = وتنزل ارقابِ وترفع بالاذناب
الحب يطحن لا لمس سن طاحون = والوقت يطحنا وحنا له اغراب
والرجل لاضده زمانه على الهون = يعنز على جبلِ وياخذ بالاسباب
واليوم بنصى من له الناس ينصون = رجلِ على فعل المواجيب كساب
من لابةِ يوم الملاقى يضدون = عدوهم بمشوك النار واحراب
لبو الحميدي برسل العلم مضمون = برسل رسالة ود واجلال واعجاب
يا سالم المنعور والناس يدرون =ان كم من شيوخ القبايل والانساب
الراس مايصلح بلاجفن وعيون = بقولها صدقِ ولا نيب مرتاب
ربعٍ لنا والعلم صدقِ وموزون =متوارثين الطيب شيبِ وشياب
ابيك تفزع لي وانا منك ممنون = منسى جميلك دام فالارض هباب
هذي ثمان سنين في الغازمسجون =لاجيت بنطق كلمتي صكو الباب
لاعل تقدر حلها كان تقوون=ياشوق من تزهى الخلاخيل واخضاب
والطيب يبقى والبشر حق يفنون= وراع المراجل مسكنه قمة اهضاب
وهذا اختصار العلم ياجعل تبقون = ياللي لربعك صايرِ درع واحجاب