[معلومات العضو راشد المسعري]

السلام عليكم ورحمة الله وبركاته: أسعد الله أوقاتكم بالخير والمسرات نزلت يوم أمس أبيات جميلة بمناسبة مقدم شهر رمضان المبارك للشاعر محسن بن فالح الشكرة على هذا الرابط: http://www.alduwaser.org/vb/showthread.php?t=62960 وقد قام بمجاراتها شعراء من ضمنهم الشاعرين صالح بن سالم بن عزران المري والشاعر عبدالله السمين الحربي ، ونترككم مع مجاراة المري:

يامرحبا ترحيبتن مابها زيف = عداد ماهل المطر من غمامه
إقلوبنا يابو محمد مواليف= للضيف يوم إنه رفيع مقامه
أوله رحمه من مغيث الملاهيف=وأوسطه غفران تليه السلامه
ياقرد من قضّاها بغفلة وتسويف=وياسعد من صامه بهمّه وقامه
ياحيف يابعض الرجاجيل ياحيف = بالدين ما أردا همته واهتمامه
والله يبارك في الرجال العواريف= الدين ماسكته بذروة سنامه
شرواك يامحسن زبون المناكيف=وللضيف في وجهك طرب وابتسامه

وهذه مجاراة الشاعر الحربي:

نصيحتك بين الضلوع المهاديف= مسكانها ، ياللي براس العدامه
خيّر وقدوه وابلج كلمتك سيف = وصيتك صداه يلج راعي تهامه
والشعر ترقابه شموخ المشاريف= فرقه مثل فرق الضيا والجهامه
وانا على الطيّب خلي من الزيف= اشوف عرفه لي مثل الكرامه
والله فلا ارخص لي رجال عواريف = حتى على الشلفا تبيض الحمامة