[معلومات العضو يحيى الودعاني]

	بسم الله الرحمن الرحيم ( جو طبيعي ما بعد جاه قبلي ) قلت هذه القصيدة في المنتدى الشعبي بالشرقية شهر 3 لعام 1417هـ ، وهي على البيتين الأولين التي نشرت في المنتدى . ( مر السحاب وراح ما فيه وبلي = على الحقول وما تحمل السنابل ) خذيت مشعابي ودوهت لبلي = في حروة البرق البعيد المقابل ) لعبت لبلي يوم برقه لعب لي = وقنوفه اللي مثل وصف الأعابل ولا كنه يضرب في مثانيه طبلي = والا تفجر في مزونه قنابل نوه رزين وله خيال شهبلي = ويقدح بوسطه مثل قدح الكيابل ومن تحت برقه شفت وبله سكب لي = ارب ترجع به عروق ذوابل وتشوف في نبته خزاما وربلي = رِيضان قاع مثل خضر الحنابل جو طبيعي ما بعد جاه قبلي = كون القطا ومغردات البلابل يرتاح قلب بالهواجيس مبلي = لا داج في الريضان من بعد سابل ونبته يشوق العين ماهوب هبلي = مدت جزيل الطيب القول قابل من بعد ما ضاقت على الرجل سبلي = فارقت جو فيه حابل ونابل والوقت ابي اغلبه وهو من غلب لي = ورجيك يا فكاك عقد النشايل رياض من الشعر الشعبي جمع وتأليف مبارك بن سيف بن غانم آل حميد الدوسري