[معلومات العضو محمد بن حمد الشكرة]

بسم الله الرحمن الرحيم السلام عليكم ورحمة الله وبركاته مساء/صباح الخير للجميع هذي قصيدة رثاء للشاعر فهد بن محمد بن مرزوق الشكره في المرحوم الشاعر بريك بن محمد الدمناني الله مـن قلبـن حدتــه الهمـــومــي = قامت تسوقه لين بانت خفــــــاياه قامت على قلبي تشن الهجومي = قامت تلــوبه باول اليــــوم واتـــــلاه وشرفت في حزمً طويل الرجومـي = وحولت من راسه وعودتنا ارقـــــــاه والله مــدري ياعــرب ويش قومــي = متخلبصن عندي خطا القلب وقـداه ... مانيب احاتي زاهيــات الرقومــــي = لاشك احاتي مشين الوقت شيناه ميــر انت يا لوامنــي لا تلـــومـــي = ابكي صحيبن في الحفيره دفنـــــاه بكـــيت عند القبر واقعــد وقومـــي = وبكــيت عنده لين راسي صفا مــاه اللـــي بردنه للمســـاييـر يـومـــي = رجلً نفاذ المال من فعـــل يمنــــــاه اللي عزم واللي ماهو معزومـــــي = الباب فاتــح والمســــايير تنصـــــــاه اروح صـوبه لــو مــالي لزومــــــــي = رفقــة وفـــاء ماهيب رفقـــة مـــراواه لو ان عمر بريك فيه بيعن وسومي = شريت عمر بريك لو غالي مشـــراه لاشك موت بريك حتمن لزومـــــي = واليـوم مات بريك والصــبح بقفــــــاه تحياتي