[معلومات العضو محمد بن حمد الشكرة]

بسم الله الرحمن الرحيم السلام عليكم ورحمة الله وبركاته مساء الخير للجميع يسرني أن أقدم لكم قصيدة(النصح) للشيخ الداعية/حفيظ بن عجب ال حفيظ الدوسري فأحببت أن أنقلها لكم : ساري الليل ما يسري بليا دليل = والدروب العسيره ما وطاها جبان الجزوم ايتصبر دام ربه وكيل = والفصيح ايتكلم دام فيه اللسان لا تردد ترى ما فالتردد جميل = أقدم ولا تخاف الموت ماله مكان حاول اتصير الأول دام تقدر تشيل = الحمول الثقيله ما تهول المعان سابق الناس واسبق لا... ترافق ذليل = رفقة الذل ما تلحقك بأهل الرهان الجبان ايتخبى لا لقى له حصيل = والشجاع ايتقدم لين يلقى الجنان عاشر الصامل اللي دايمٍ لك خليل = يسعدك بالمواجه في حروب الزمان ما يدوس المخاطر غير ركاب خيل = لا زهمته تعلوى فوق بنت الحصان قدم اللي إليا قدمت جاب الجليل = ما يدوس المخاطر من ربى بالحنان خالي البال ما ينفعك لو فيه حيل = وحامل الهم يفزع لك على كل شان من فزع للمعالي ما فزع بالقليل = ومن طلب مجد يرقى له بكل اتزان نافس أهل المكارم لا تصاحب بخيل = القروم اتخير لا خذتها السنان المراجل تعصى لا بغاها الهزيل = وإن خذاها العصامي صال فيها وبان عاد في الله واكسب حب راعي الجميل = المكارم يقدمها وسيع البطان حارب اللي يعامل كل خاين عميل = خاين العهد ماله غير موت الهوان جاهد الكفر والإيمان سيفٍ صقيل = والشهاده طريقك لا بغيت الحسان خاطب العقل واحذر من كلام الرذيل = الحكيم ايتخير من سمان البيان طاعة الله نجاتك في حياة المقيل = من كسب طاعة الله فاز باعظم رهان حاسب النفس لا تترك هواها سليل= أغمده في اجرابه دام تلقى الأمان راجح العقل ما يسبح بزيف الحميل = دنية الغش ملعونه بكل اللعان التجارب مدارس جيل يتلاه جيل = من بغى العرف لا يردعه خوف امتحان النصيحة أدور لو ثمنها ثقيل = والحكم ما تجي من غير عقل يصان مما راق لي دمتم بود