تريحوواتركـونـي ياعواذيـلـي=كثرالحكي محرق كبدي وفاطرهـا
بمشي مع البل مدام الرجل تمشيلـي=وادله النفس لين يطيـب خاطرهـا
ممشاً مع البل في ارض علها السيلي=ومتجلي نوها من عقـب ماطرهـا
والعشـب ريحـه بعدكثرالهماليلـي=ريح احسن العطر في دكان عاطرها
تسوا حيـاة لحسـاب المحاصيلـي=اللي ملى قربته ويـذوق قاطرهـا
مايدري ان الرشى فوق المحاحيلـي=النفس نيشـان والرمـاي قاطرهـا
متمسك في زقـم دنيـاه والذيلـي=ماحسب لرحلته وشهي مخاطرهـا
يالله يللي بيـدك العـدل والميلـي=ياكاتب فقر ناس ونـاس باطرهـا
فزعتك مادمت في دنياي ممهيلـي=من كيتاً تنجـح الكبـد بمخاطرهـا
ومن حاجتاً لرخوم من الرجاجيلـي=اللي على الخد الادنى كنك ساطرها
وطالبك حسن الختام الى فترحيلـيي=ياخالق النفـس ياعالـم خواطرهـا
سالم بن صمهود(الصلف)