[معلومات العضو أبوفهيد الودعاني]

((بندر بن سرور)) بحر الشعر الذي لا ينضب في قصيدة تأخذ من الليل

هدوءة ومن النهار بهاءة ومن الصحراء اتساعها اللا متناهي

قصيدة نادرة تحتكم في الصدر طويلاً

الله من عين طرقها صواديف= عميت ويبسن العروق الصخافي
شفت الوزى بالعين من عرض ماشيف= شفته وغيري مافطن له وشافي
وقت تغير فيه حتى العواصيف= جاء في عواصيف الرياح اختلافي
شرة قناطير وخيرة مقاطيف = يفطن به اللي يرضع الديد غافي
كم واحد جاله زمانه على الكيف= وأغتر في نفسه يبا الجود وافي
يطلع مطاليع العلا بالسواليف = وبين العذارى عد روحه سنافي
هراج بالغيبه وكراه للضيف= قتات والقتات بالنار هافي
يعلق قريبه علقت النار بالليف= عيّن ولد عين وزنوده ضعافي
ان رخصت الحذوه توقا عن الحيف= وان غليت الحذوة مشى اللاش حافي
يرقد ويلحق والدينه تخاليف= دايم ومرقد طافي النار دافي
هو مادرى ان الجود يبغى تكاليف= سهر الليالي مقبلات مقافي
يبغى يدين للعطايا مغاريف= ويبغى رجال ماتمل الوقافي
والصبر بنحور السنين الشواحيف=اللي قساها مثل حدب الرهافي
مايقدرون الجود سود الاضاليف=امشاركه بيض النسا باللحافي
يقدر عليه اللي حكم نجد بالسيف=مودع مباغيض القبايل ولافي
عبدالعزيز اللي يبث المصاريف= يجدع قناطيرالذهب بالفيافي
يمسي على دربه جموع مراديف= مزنٍ تنثر ماه والجو صافي
يشدي لواقيط الزبيدي بعد ريف= من ماكسا البيداء تفيد الضعافي