الونه الي تختلج في ظلوعي
راس الطفل لوسمعها يشتعل شيب
اخفيتها والقلب منها جزوعي
خوفي من الشمات ومدور العيب
وين الرفيق الي يظد الجموعي
يمناي لابارو بظني الاصاحيب
راشد سليل المجد خيرة ربوعي
النادر الي مدهله بلمراقيب
ياخوك عفت الزاد قدلي سبوعي
غديت وهمومي شرات المعازيب
لاجيت بنساها عصت لاتطوعي
ومن ظيقها ياخوك طريتنا الجيب
انستها من وسط قلبي تفوعي
فوع الدلال الي صلتها المشاهيب
بسباب نجلا عيطموسن بروعي
هيفيتن تبدي على العين وتغيب
قالت وداع ولا لوصلك رجوعي
غصبن عليها واجبرتها المكاتيب
واقفى وانا راعيه وازداد روعي
والهم سيد في الظلوع المعاطيب
واطرقت شوفي يوم هلت دموعي
وايقنت بن ماكل مايرجي مصيب