هذي قصيدة رثاء في اخوي عبدالله وولد خالي مساعد رحمة الله عليهم واسكنهم فسيح جناته......
كم لي وانا عن بدع الابيات مصروف**مرت سنه ماقد بنيت القصيده
واليوم ياناشي مثل مانته تشوف**حالي براه الهم بري الجريده
لا الحال مضيومه ولانيب ملهوف**والمال واجد لايهمك رصيده
ولا شاكياً فرقى الجميلات والنوف**لاشك عيني من بعدهم سعيده
لاكن فرقى من لهم عندي طيوف**خلت بوسط القلب مثل الوقيده
عنا خذتهم ذا المقادير وصدوف**ولحظة موادعهم علينا شديده
ياخوك انا شفقاً عليهم ومشغوف**يالله عساهم في جناناً مديده
الله يحللهم عدد ماكتبت حروف**وارواحهم يالله عساها شهيده
اقولها ياخوك والدمع مذروف**مساعد وعبدالله علينا فقيده