بسم الله الرحمن الرحيم
السلام عليكم ورحمة الله وبركاته
الاخوة اعضاء وزوار موقع قبيلة الدواسر الرسمي
هذي مساجلة بين علمين من اعلام الشعر راقت لي كثيرا ونقلتها لكم
وهي بين الشاعرين
راشد بن عبدالهادي الودعاني ( رفيع النفس )
وشافي بن راشد النتيفات
===========
يقول رفيع النفس
سلامي على شافي عدد لايح البراق = بروق الخيال الي تكاشف به بروقه
تحدر على الهمجه وسوابـها لدناق = شمال وجنوب وغرب و الدحي وعروقه
يابوراشد المنعورفي خوتك مشتاق = وخوت وفا مع طول ليام ماثوقه
احب الرجال الي سواتك لهم ميثاق = ترا الي مثل شرواك مانهضم احقوقه
ترا جاتلك لابيات مني ونا السواق = ونا اسمي رفيع النفس بسمه ومنطوقه
=============
ورد شافي النتيفات
هلا مرحبا ترحيب له قيمة وميثاق = من الخاطر اللي رفقة الطيب تشوقه
من المملكه ينشي سحابه قبل ينساق = يحدر على دوحة قطر تلعب بروقه
وياخذ سنة سكاب مايفصل البراق = على بيت منهو في اللقا ياخذ حقوقه
كريم على درب النواميس ماينعاق = وفي ن دروب العز ماهيب بتعوقه
جسور على الطالات ولدربها سباق = مواريث جدانه ولاهيب مسروقه
من اهل الثمان ومن فعلها لها عشاق = يعشقونها واليوم للاسم معشوقه
ومنهم رفيع النفس يقطف ثمر مالاق = من علوم جدانه تنقا على ذوقه
سلامي عليكم عد مانبت من زملاق = سلام وراه اخلاص من قلبي يسوقه
يعم البلد واخص به طيب الاخلاق = هذا الفال والايام ياشيخ ملحوقه