مجاراهـ أكثر من رائعه بين الشاعر /بخيت بن محسن بن حفيظ والشاعر /عيدان بن راجس الهوامله ..
قال بخيت بن محسن ’’’
يارعي البل كانك تبغي المماراه
عليك باللي صنقره كنه حاروب
أذنيه نصبٍ ماتعود لعلباه
ترى رخاوه الاذن يابدو عذروب
أمنين مادرته تعجبكـ حلاياه
خده عريض وغاربه كنه مسلوب
رد عليه الشاعر /عيدان بن راجـــس
قاف سمعته جرني للمجاراه
من شاعرٍ ركز معانيه بأسلوب
كلام أحلى ماقريته وبقراه
وألذ ماشفته على الطرس مكتوب
بخيت بن محسن بداه وتنقاه
خلى الشوائب أنتقى كل مرغوب
الطيب ورث له وكسب ليمناه
ولا يزله من المواجيب ماجوب
سمعوني أقرى منهجه وأتهجاه
وقالوا مجارى منهجه منك مطلوب
قلت اسمعوا ماصاغه الفكر وأنشاه
وصخر شواردها على طرق مسحوب
ياراعي البل كان تبغي المماراه
أشتر فحل ماربط في السوق مجلوب
أسود أسنادٍ يشعف الورد ممشاه
دايم مع الاول مولع ومرعوب
زينه الاروح بعيدٍ معشاه
مستتبع له مع المعاشير جندوب
كن الوروك صحون صينِ مجفاه
متنه عريض وغاربه سيف شنصوب
مافي أرقبته من اللحم ماتمرواه
كنه يتناوشله نباتِ بعرقوب
وأذانيٍ فوق العواتق مساواه
كافور فرخٍ مابعد جاه لاهوب
والخشم فارع والمهادل مدلاه
وأمنين ماجيته إلامايلٍ صوب
يلفت نظر من شاف عظمه وماطاه
من وسع صدره مايجي فيه شاذوب
بنته لها صدرٍوسلفٍ ومثاه
تظهر لوأن البوش حوبٍ ورى حوب
وساعٍ بواهرها نظير مساواه
وسنامها في مدفن الورك مصبوب
ويسمحلي اللي بعض الاوصاف مارضاه
ماكل شاعر بالتواصيف موهوب
عسى أن وفقــــت فيما قدمته ولـــكم خاص شكــــري ،،،،